SUN குழுமத்திலிருந்து வெளிவரும் காலை நாளிதழ்

எரிந்த காருக்கு இழப்பீடு தர மறுத்த இன்சூரன்ஸ் நிறுவனத்துக்கு ₹2 லட்சம் அபராதம்: நுகர்வோர் நீதிமன்றம் உத்தரவு

2019-05-20@ 00:36:55

சென்னை: தீ பிடித்து எரிந்த காருக்கு இழப்பீடு தர மறுத்த இன்சூரன்ஸ் நிறுவனத்துக்கு ரூ.2 லட்சம் அபராதம் விதித்து நுகர்வோர் நீதிமன்றம் உத்தரவிட்டுள்ளது. விருதுநகர் மாவட்டம்,  ராஜபாளையத்தை சேர்ந்தவர் சீனிவாச ராஜா. இவர் ரூ.1 லட்சத்து 87 ஆயிரத்து 736 மதிப்பில் ஒரு கார் ஒன்றை வாங்கியுள்ளார். இதற்கு ரூ.14,432 இன்சூரன்சும் செலுத்தியுள்ளார். மேலும் அனுமதி பெற்று, காரில் கேஸ் சிலிண்டர் பொருத்தியுள்ளார். இந்தநிலையில் கடந்த 2009ம் ஆண்டு பெட்ரோல் கசிவு காரணமாக கார் தீ பிடித்து எரிந்துள்ளது.

பின்னர் தீயணைப்பு வாகனம் வந்து தீயை அணைத்தது. இருந்தும் கார் முழுவதும் சேதமாகியது. இதையடுத்து சீனிவாசன் இன்சூரன்ஸ் கோரி விண்ணப்பிதிருந்தார். ஆனால் இன்சூரன்ஸ் நிறுவனம் பணம் தர மறுத்துள்ளது. மேலும் இவரது விண்ணப்பத்திற்கு எவ்வித பதிலும் அளிக்காமல் அலட்சியபடுத்தியுள்ளனர். இதனால் மன உைளச்சலுக்கு ஆளான சீனிவாசன் இழப்பீடு கோரி சென்னையில் உள்ள மாவட்ட நுகர்வோர் நீதிமன்றத்தில் வழக்கு தொடர்ந்தார். வழக்கு நீதிபதி மோனி முன்பு விசாரணைக்கு வந்தது. அப்போது, இன்சூரன்ஸ் நிறுவனம் பதிலளிக்கையில், மனுதாரர் சீனிவாசன் காரில் கேஸ் பொருத்தியுள்ளார். அதனால்தான் தீ பிடித்துள்ளது. எனவே இதற்கெல்லாம் இழப்பீடு வழங்க முடியாது என்று தெரிவித்தனர். மனுதாரர் தரப்பு கூறுகையில் தவறாமல் இன்சூரன்ஸ் செலுத்தி வருவதாக தெரிவித்தார். மேலும் இன்சூரன்ஸ் பயன்பாட்டில் தான் உள்ளது என்று தெரிவித்தனர். இதையடுத்து நீதிபதி, காருக்கு ரூ.1லட்சத்து 67 ஆயிரத்து 388, மற்றும் மன உளைச்சலுக்கும் 35 ஆயிரம் வழக்கு செலவுக்கு ரூ.5 ஆயிரம் என மொத்தம் ரூ.2 லட்சத்து 7 ஆயிரத்து 388 இழப்பீடு வழங்க உத்தரவிட்டார்.


மேலும் செய்திகள்

Like Us on Facebook Dinkaran Daily News
  • 18-09-2019

    18-09-2019 இன்றைய சிறப்பு படங்கள்

  • guiness_sathana

    எவராலும் செய்யமுடியாத அசாத்திய சாதனைகள் ... வியக்க வைத்த சாதனையாளர்கள்..!

  • mexico_isai111

    இராணுவ அணிவகுப்பு, வாண வேடிக்கையுடன் கூடிய இசை, நடன நிகழ்ச்சிகள்!.. : மெக்ஸிக்கோவில் சுதந்திர தின விழா கோலாகல கொண்டாட்டம்

  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

படங்கள் வீடியோ கல்வி சினிமா ஜோ‌திட‌ம்