SUN குழுமத்திலிருந்து வெளிவரும் காலை நாளிதழ்

குடிநீரில் கழிவுநீர் கலந்து வருவதை கண்டித்து மக்கள் சாலை மறியல்: போக்குவரத்து பாதிப்பு

2019-05-19@ 00:45:21

பெரம்பூர்: பெரம்பூர் வீனஸ் டிட்டி தோட்டம், ஜானகிராமன் நகர் பகுதியில் 10 ஆயிரத்துக்கும் மேற்பட்ட மக்கள் வசித்து வருகின்றனர். இப்பகுதி மக்களுக்கு மாநகராட்சி சார்பில், பைப் லைன் மூலம் குடிநீர் விநியோகிக்கப்பட்டு வருகிறது. கடந்த சில மாதங்களாக முறையாக குடிநீர் விநியோகம் செய்யப்படவில்லை. பலமுறை குடிநீர் வாரிய அதிகாரிகளிடம் பொதுமக்கள் புகார் செய்தும் யாரும் கண்டுகொள்ளவில்லை. இந்நிலையில் நேற்று அதிகாலை பெண்கள் குடிநீர் பிடித்தபோது குடிநீரில் கழிவுநீர் கலந்து வந்தது.

அதிர்ச்சியடைந்த நூற்றுக்கும் மேற்பட்டோர், பெரம்பூர் பேப்பர் மில்ஸ் சாலையில் மறியலில் ஈடுபட்டனர். தகவல் அறிந்து செம்பியம், திருவிக நகர் போலீசார் சம்பவ இடத்துக்கு வந்தனர். மறியலில் ஈடுபட்ட மக்களிடம், குடிநீர் வாரிய அதிகாரி பானுபிரியா பேச்சுவார்த்தை நடத்தினார். அப்போது, ‘உங்கள் பகுதிக்கு முறையாக குடிநீர் கிடைக்க நடவடிக்கை எடுக்கிறேன்’ என்று உறுதியளித்தார். இதையடுத்து மறியலை கைவிட்டு கலைந்து சென்றனர். இந்த சம்பவத்தால் போக்குவரத்து பாதிப்பு ஏற்பட்டு வாகனங்கள் நீண்ட தூரத்துக்கு அணிவகுத்து நின்றன.


மேலும் செய்திகள்

Like Us on Facebook Dinkaran Daily News
  • newyork

    நியூயார்க்கில் 25 மாடி கட்டிடங்களுக்கு இடையே கட்டப்பட்ட கயிற்றில் நடந்து சாகசம்: ஆச்சர்யத்தில் மக்கள்!

  • singaporebirds

    சிங்கப்பூரில் பறவைகளுக்கான பாடும் போட்டி: மனிதர்கள் பாடுவதை போன்று பிரதிபலித்த மெர்பொக் புறாக்களின் இசை

  • turkey

    துருக்கியில் மேயர் பதவிக்காக நடந்த மறுதேர்தலில் எதிர்க்கட்சி வேட்பாளர் வெற்றி: உற்சாக வரவேற்பு அளித்த மக்கள்

  • climate

    ஜெர்மனியில் பருவநிலை மாறுபாட்டை கண்டித்து நிலக்கரி சுரங்கத்தை முற்றுகையிட்ட போராளிகள்!

  • 25-06-2019

    25-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்