SUN குழுமத்திலிருந்து வெளிவரும் காலை நாளிதழ்

திருப்பரங்குன்றம் தொகுதியில் பணப்பட்டுவாடா செய்த 4 அதிமுகவினர் கைது

2019-05-16@ 06:06:56

மதுரை: திருப்பரங்குன்றத்தில் வாக்காளர்களுக்கு பணப்பட்டுவாடா செய்த, அதிமுகவினர் 4 பேர் கைது செய்யப்பட்டனர். திருப்பரங்குன்றம் தொகுதியில் அதிமுக சார்பில் முனியாண்டி போட்டியிடுகிறார். இவருக்கு ஆதரவாக 8 அமைச்சர்கள், 17 மாவட்ட செயலாளர்கள் மற்றும் நிர்வாகிகள் திருப்பரங்குன்றத்தில் தங்கியிருந்து தேர்தல் பணிகளில் ஈடுபட்டு வருகின்றனர். இத்தொகுதியில் அதிமுகவினர் வாக்காளர்களுக்கு பணப்பட்டுவாடா செய்து வருவதாக பல்வேறு குற்றச்சாட்டுகள் எழுந்தன.

மதுரை வில்லாபுரம் பகுதியில் அதிமுகவினர், பணப்பட்டுவாடாவில் ஈடுபட்டுள்ளதாக பறக்கும் படை குழுவுக்கு தகவல் கிடைத்தது. இதன்பேரில் வணிக வரித்துறை துணை அலுவலர் அப்துல்ரகுமான் தலைமையிலான பறக்கும் படை குழுவினர் வில்லாபுரம் வாசுகி தெருவில் நேற்று சோதனை நடத்தினர்.

அதிகாரிகளை பார்த்ததும் அங்கு கும்பலாக நின்றிருந்த அதிமுகவினர் ஓடிவிட்டனர். இதில் வாக்காளர் பட்டியலுடன் தப்பியோட முயன்ற 4 பேரை பிடித்தனர். அவர்களிடமிருந்து ரூ.74 ஆயிரத்தை கைப்பற்றினர். விசாரித்தபோது இப்பகுதியில் வாக்காளர்களுக்கு பணம் விநியோகம் செய்ததாக கூறினர்.

விசாரணையில், 4 பேரும் மதுரை வில்லாபுரத்தை சேர்ந்த தமிழரசன், முத்துமாரி, கிருஷ்ணகிரி ஊத்தங்கரையை சேர்ந்த சிவக்குமார் மற்றும் ராமசாமி என்பது தெரிந்தது. 4 பேரையும் பறக்கும்படை அதிகாரிகள், அவனியாபுரம் போலீஸ் ஸ்டேஷனில் ஒப்படைத்தனர். போலீசார், அவர்களை கைது செய்து விசாரித்து வருகின்றனர். நேற்று அதிமுகவினர் திருப்பரங்குன்றம் தொகுதிக்குள் தலா ரூ.1,500 வீதம் பணம் விநியோகித்ததாக தெரிகிறது.


மேலும் செய்திகள்

Like Us on Facebook Dinkaran Daily News
  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

  • fra

    பிரான்சில் கோலாகலமாக நடைபெற்ற தேசிய தின கொண்டாட்டம்: 200 ராணுவ வாகனங்கள் அணிவகுப்பு

  • puyal

    கிரீஸ் நாட்டில் வீசிய தீவிர புயல் காரணமாக 7 சுற்றுலாப் பயணிகள் உயிரிழப்பு: 23 பேர் படுகாயம்

படங்கள் வீடியோ கல்வி சினிமா ஜோ‌திட‌ம்