SUN குழுமத்திலிருந்து வெளிவரும் காலை நாளிதழ்

தமிழகத்தில் மழை குறைவால் நிலத்தடி நீர் சரிவு கிணறுகள், போர்வெல்களை ஆய்வு செய்து அறிக்கை அனுப்பவேண்டும்: தோட்டக்கலை அதிகாரிகளுக்கு உத்தரவு

2019-05-16@ 05:52:39

தேனி: தமிழகத்தில் மழையளவு குறைந்துள்ளதால் பாசனக்கிணறுகள், போர்வெல்களின் நிலையை ஆய்வு செய்து அறிக்கை தாக்கல் செய்யும்படி, விவசாய மற்றும் தோட்டக்கலை அதிகாரிகளுக்கு அரசின் முதன்மை செயலாளர் உத்தரவிட்டுள்ளார். தமிழகத்தில் கடந்த 3 ஆண்டுகளாக மழையளவு குறைந்துள்ளதால் நிலத்தடி நீர்மட்டம் கடும் சரிவை சந்தித்துள்ளது. தலைநகர் சென்னை, மதுரை உள்ளிட்ட மாநகராட்சிகளில் நிலத்தடி நீர்மட்டம் ஆயிரம் அடிக்கு கீழ் சென்று விட்டது. நகராட்சி, பேரூராட்சிகளிலும் இதே நிலைமைதான் நீடிக்கிறது. முறையாக குடிநீர் வழங்கக்கோரி மறியல் உள்ளிட்ட போராட்டங்களை பொதுமக்கள் நடத்தி வருகின்றனர்.

இதுதொடர்பாக மாநிலம் முழுவதும் உள்ள வேளாண்மை, தோட்டக்கலைத்துறை இணை இயக்குனர்கள், உதவி இயக்குனர்களுக்கு வேளாண்மைத்துறை முதன்மை செயலாளர் ககன்தீப்சிங் பேடி அனுப்பி உள்ள சுற்றறிக்கை: தமிழகத்தில் கடந்த 3 ஆண்டுகளாக போதுமான மழை இல்லாததால், நிலத்தடி நீர்மட்டம் குறைந்து மாநிலம் முழுவதும் வறண்ட சூழ்நிலை நிலவுகிறது.

கிணறுகளில் உள்ள குறைந்த அளவு தண்ணீரைக் கொண்டு, வழக்கமான முறையில் வாய்க்கால் மூலம் நீர் பாய்ச்சினால் கூடுதல் தண்ணீர் வீணாகும். இந்த நிலையில் விவசாய, தோட்டக்கலைத்துறை அதிகாரிகள் தங்கள் பகுதியில் உள்ள விவசாய கிணறுகள், போர்வெல்களை ஆய்வு செய்ய வேண்டும். இதுகுறித்த தெளிவான அறிக்கையை தயார் செய்து அனுப்ப வேண்டும்.

விவசாயிகளிடம் அரசு சொட்டுநீர் பாசனத்திற்கு வழங்கும் மானியத் திட்டங்களை எடுத்துக்கூற வேண்டும். ஒவ்வொரு கிராமவாரியாக இலக்கு நிர்ணயம் செய்து, நுண்ணீர் பாசனம் அமைக்க விவசாயிகளை ஊக்கப்படுத்தி, அவர்களை சொட்டுநீர் பாசன அமைப்புகளை அமைக்க அறிவுறுத்தி சாகுபடி செய்ய ஊக்கப்படுத்த வேண்டும்.

உதவி இயக்குனர்கள் அனைவரும் தோட்டக்கலை அலுவலர்கள் மூலம் இப்பணியினை கண்காணித்து இலக்கினை எட்ட முழு முயற்சி செய்ய வேண்டும். இவ்வாறு அறிக்கையில் கூறியுள்ளார். வேளாண்மைத்துறை முதன்மை செயலாளரின் உத்தரவை தொடர்ந்து விவசாய, தோட்டக்கலை அலுவலர்கள் கிணறுகள், போர்வெல்களை ஆய்வு செய்யும் பணிகளில் ஈடுபட்டுள்ளனர்.


மேலும் செய்திகள்

Like Us on Facebook Dinkaran Daily News
  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

  • fra

    பிரான்சில் கோலாகலமாக நடைபெற்ற தேசிய தின கொண்டாட்டம்: 200 ராணுவ வாகனங்கள் அணிவகுப்பு

  • puyal

    கிரீஸ் நாட்டில் வீசிய தீவிர புயல் காரணமாக 7 சுற்றுலாப் பயணிகள் உயிரிழப்பு: 23 பேர் படுகாயம்

படங்கள் வீடியோ கல்வி சினிமா ஜோ‌திட‌ம்