SUN குழுமத்திலிருந்து வெளிவரும் காலை நாளிதழ்

பப்புவா நியூ கினியாவில் 7.5 ரிக்டரில் நிலநடுக்கம்: சுனாமி எச்சரிக்கையால் பீதி

2019-05-16@ 02:02:25

ராபவுல்: பப்புவா நியூ கினியா நாட்டில் 7.5 ரிக்டர் அளவுகோலில் பயங்கர நில நடுக்கம் ஏற்பட்டது. இதையடுத்து அங்கு சுனாமி எச்சரிக்கை விடுக்கப்பட்டுள்ளது.பசிபிக் பெருங்கடலில் உள்ள தீவு நாடான பப்புவா நியூ கினியாவில் உள்ள நியூ பிரிட்டன் மாகாணத்தின் ரபவுல் நகரில் 10 கிலோ மீட்டர் தொலைவில் நேற்று காலை 11 மணியளவில் சக்தி வாய்ந்த பயங்கர நில நடுக்கம் ஏற்பட்டது. இது ரிக்டர்  அளவுகோலில் 7.5 ஆக பதிவானது.இது குறித்து பேரிடர் மேலாண்மை ஒருங்கிணைப்பாளர் டோன் டோகுனய் கூறுகையில், ``இந்த நில நடுக்கம் சுனாமி ஏற்படும் அறிகுறியாக தென்படுவதால் அப்பகுதியில் சுனாமி எச்சரிக்கை விடுக்கப்பட்டுள்ளது. இந்த நில நடுக்கத்தினால்  இதுவரை எவ்வித பொருட்சேதமோ, உயிர்சேதமோ தெரிவிக்கப்படவில்லை,'' என கூறினார்.

பசிபிக் சுனாமி எச்சரிக்கை மையம் விடுத்துள்ள செய்தியில், `பப்புவா நியூ கினியா, சாலமோன் தீவுகள் மற்றும் அதனை சுற்றி 1000 கிலோ மீட்டர் சுற்றளவில் சுனாமி பேரலைகள் ஏற்படலாம்' என எச்சரித்துள்ளது. இதையடுத்து, அதனை  சுற்றியுள்ள தீவுகள், கிராமப் பகுதிகளில் வசிப்பவர்கள் வேறு பாதுகாப்பான இடங்களுக்கு செல்லும்படி அறிவுறுத்தப்பட்டுள்ளனர்.கடந்த ஆண்டு இதே போல 7.5 ரிக்டர் அளவில் ஏற்பட்ட நில நடுக்கத்தில் 100க்கும் மேற்பட்டோர் பலியாயினர்.


மேலும் செய்திகள்

Like Us on Facebook Dinkaran Daily News
  • 01-06-2020

    01-06-2020 இன்றைய சிறப்பு படங்கள்

  • 31-05-2020

    31-05-2020 இன்றைய சிறப்பு படங்கள்

  • 30-05-2020

    30-05-2020 இன்றைய சிறப்பு படங்கள்

  • 29-05-2020

    29-05-2020 இன்றைய சிறப்பு படங்கள்

  • 28-05-2020

    28-05-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்