SUN குழுமத்திலிருந்து வெளிவரும் காலை நாளிதழ்

சோளிங்கர் லட்சுமி நரசிம்மர் கோயிலில் பாதுகாப்பு அதிகாரி ஆய்வு

2019-05-06@ 19:37:52

சோளிங்கர்: இந்து சமய அறநிலையத்துறை கட்டுப்பாட்டில் உள்ள முக்கிய கோயில்களில் ஒவ்வொரு ஆண்டும் பக்தர்களின் பாதுகாப்பு வசதிகள் குறித்து ஆய்வு மேற்கொள்ளப்படுவது வழக்கம். ஆனால் சில வருடங்களாக எந்த கோயில்களிலும் ஆய்வு மேற்கொள்ளப்படவில்லை. இந்நிலையில் இலங்கையில் நடைபெற்ற குண்டுவெடிப்பு சம்பவம் காரணமாக தமிழகத்தில் அறநிலையத்துறை கட்டுப்பாட்டில் உள்ள கோயில்களில் பாதுகாப்பு வசதிகள் குறித்து அதிகாரிகள் மூலம் ஆய்வு மேற்கொள்ளப்பட்டு வருகிறது. அதன்படி நேற்று வேலூர் மாவட்டம் சோளிங்கர் லட்சுமி நரசிம்மசுவாமி மலைக்கோயில் மற்றும் பக்தர்களின் பாதுகாப்பு வசதிகள் குறித்து தமிழ்நாடு சிறப்பு பாதுகாப்பு பிரிவு இன்ஸ்பெக்டர் லிசன் பெர்னாண்டஸ் ஆய்வு மேற்கொண்டார்.

அப்போது, கோயிலின் பல்வேறு பகுதிகளில் பார்வையிட்டார். பின்னர், கோயில் அலுவலகத்தில் ஆலோசனை கூட்டம் நடந்தது. இதில் காவல்துறை, தீயணைப்பு துறை, சுகாதாரத்துறை, பேரூராட்சி நிர்வாகம் உள்ளிட்ட பல்வேறு துறைசார்ந்த அலுவலர்கள் கலந்துகொண்டனர். அப்போது மலைக்கோயிலில் ஜாமர் கருவி பொருத்துவது. பக்தர்களுக்கு தரமான பிரசாதம், குடிநீர் வழங்குவது மற்றும் பாதுகாப்பு வசதிகளை எவ்வாறு மேற்கொள்வது? என்பன குறித்து ஆலோசிக்கப்பட்டது. ஆய்வின்போது, கோயில் உதவி ஆணையர் மோகனசுந்தரம் மற்றும் ஊழியர்கள் உடனிருந்தனர்.


மேலும் செய்திகள்

Like Us on Facebook Dinkaran Daily News
  • pakmissiletest

    இந்தியாவுக்கு போட்டியாக கண்டம் விட்டு கண்டம் பாயும் ஷாஹீன்-1 ஏவுகணையை சோதனை செய்தது பாகிஸ்தான்!

  • indhragandhi102

    இந்திரா காந்தியின் 102வது பிறந்த தினம் இன்று: சோனியாகாந்தி உள்ளிட்ட கட்சித் தலைவர்கள் இந்திரா காந்தி நினைவிடத்தில் மரியாதை

  • californiagunshot

    பார்ட்டியில் புகுந்து மர்மநபர்கள் சரமாரி துப்பாக்கிசூடு: கலிஃபோர்னியாவில் நடந்த இந்த சம்பவத்தில் 4 பேர் பலி!

  • isisterrorbabies

    ரஷ்ய சிறையில் உள்ள ISIS பயங்கரவாத சந்தேக நபர்களின் குழந்தைகள் ஈராக் சிறையில் இருந்து டஜன் கணக்கில் மீட்பு

  • 19-11-2019

    19-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்