SUN குழுமத்திலிருந்து வெளிவரும் காலை நாளிதழ்

தொழிலதிபருக்கு சொந்தமான ரூ.14 லட்சம் தங்க கட்டிகளை அபேஸ் செய்த இருவர் கைது

2019-04-27@ 01:58:41

பல்லாவரம்: தொழிலதிபருக்கு சொந்தமான ரூ.14 லட்சம் தங்க கட்டிகளை அபேஸ் செய்த இருவரை போலீசார் கைது செய்தனர். சென்னை பெரியமேடு பகுதியை சேர்ந்தவர் ஹபீப் முகமது (30). தொழிலதிபரான இவருக்கு, மலேசியாவில் உள்ள அவரது சகோதரர் ரபீக் (32) என்பவர் சுமார் 400 கிராம் எடையுள்ள தங்க நகைகளை தனது நண்பர்கள் மூலம் சென்னைக்கு கொடுத்து அனுப்பியுள்ளார். இதன் மதிப்பு ரூ.14 லட்சம். தங்கத்தை வாங்குவதற்காக, தன்னிடம் வேலை செய்து வந்த சென்னை கொரட்டூர், எல்லையம்மன் கோயில் மெயின்ரோடு பகுதியை சேர்ந்த ஜியாஉள்ளக் (32) மற்றும் கொரட்டூர், கண்டிகை தெருவை சேர்ந்த சம்பத் (25) ஆகிய இருவரை சென்னை விமான நிலையம் அனுப்பி வைத்துள்ளார்.

இந்நிலையில் விமான நிலையம் சென்று ஹபீப் முகமது கூறிய நபரிடம் நகைகளை வாங்கிய ஜியாஉள்ளக் மற்றும் சம்பத் ஆகிய இருவரும் அவற்றை பதுக்கி வைத்து விட்டு, அதற்கு பதிலாக இரும்பு துண்டுகளை ஒரு பையில் போட்டு, அவற்றை ஹபீப் முகமதுவிடம் கொடுத்துவிட்டு, சென்றுள்ளனர்.
சிறிது நேரத்தில், பார்சலை பிரித்து பார்த்த ஹபீப் முகமது, உள்ளே இரும்பு துண்டுகள் இருப்பதைக் கண்டு அதிர்ச்சி அடைந்தார். உடனடியாக தொழிலாளர்கள் ஜியா உள்ளக் மற்றும் சம்பத்தை தொடர்பு கொண்டபோது, தங்களுக்கு எதுவும் தெரியாது என்று சமாளித்தனர்.

இதனால், அவர்களை ஹபீப் முகமது தாக்கியுள்ளார். பின்னர், பல்லாவரம் போலீசில் புகார் அளித்தார். போலீசார், தங்க நகைகளுக்கு பதிலாக இரும்பு துண்டுகளை கொடுத்து மோசடி செய்த தொழிலாளர்களான ஜியா உள்ளக் மற்றும் சம்பத்தை கைது செய்தனர். மேலும் ஜியாஉள்ளக் மற்றும் சம்பத்தை தாக்கிய குற்றத்திற்காக ஹபீப் முகமது மீதும் போலீசார் வழக்குப் பதிவு செய்தனர். மூன்று பேரையும் கைது செய்த போலீசார் அவர்களை தாம்பரம் நீதிமன்றத்தில் ஆஜர்படுத்தி புழல் சிறையில் அடைத்தனர்.


மேலும் செய்திகள்

Like Us on Facebook Dinkaran Daily News
  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

  • victoriafallsdry2019

    தென் ஆப்ரிக்காவில் நிலவும் வறட்சி: விக்டோரியா அருவியில் 25 ஆண்டுகளில் இல்லாத அளவில் குறைந்த தண்ணீர் வரத்து

படங்கள் வீடியோ கல்வி சினிமா ஜோ‌திட‌ம்