SUN குழுமத்திலிருந்து வெளிவரும் காலை நாளிதழ்

சித்தூர் சிட்டியில் ஐஐஐடி பட்டமளிப்பு விழா இளைஞர்கள் எண்ணிக்கை நாட்டிற்கு கிடைத்த வரம்: துணை ஜனாதிபதி வெங்கையா நாயுடு பேச்சு

2019-04-24@ 04:34:56

திருமலை: இளைஞர்கள் எண்ணிக்கை நமக்கு கிடைத்த வரம் என்று துணை ஜனாதிபதி வெங்கையா நாயுடு பேசினார். ஆந்திராவின் சிட்டி தொழிற்பூங்காவில் ஐஐஐடியின் முதலாம் ஆண்டு பட்டமளிப்பு விழா நேற்று நடந்தது. இதில் துணை ஜனாதிபதி வெங்கையா நாயுடு பங்கேற்று மாணவ, மாணவிகளுக்கு பட்டங்களை வழங்கி பேசியதாவது: 2015ம் ஆண்டு மத்திய அமைச்சராக இருந்தபோது ஐஐஐடிக்கு  அடிக்கல் நாட்டினேன். தற்போது துணை ஜனாதிபதியாக முதலாம் ஆண்டு பட்டமளிப்பு விழாவிற்கு வருவது மிகவும் மகிழ்ச்சி அளிக்கிறது. அரசு - தனியார் பங்களிப்புடன் கட்டப்பட்டுள்ள ஐஐஐடி மூலமாக மாணவர்களுக்கு வேலைவாய்ப்பு கிடைப்பதற்கான வாய்ப்புகள் உள்ளது.

வரும் பத்து ஆண்டுகளில் 10 டிரில்லியன் டாலர்  பொருளாதார ரீதியாக உயர்ந்து சர்வதேச அளவில் மிகப்பெரிய மூன்றாவது பொருளாதார நாடாக இந்தியா விளங்கும். நாடு முழுவதும் 65 சதவீதம் 35 வயதுக்குட்பட்ட இளைஞர்கள் இருப்பது நமக்கு கிடைத்த மிகப்பெரிய பலம் மற்றும் வரமாகும். தற்போது நாடு முழுவதும் 900 பல்கலைக்கழகங்கள் உள்ளன. ஆனால் சர்வதேச அளவில் முதல் 200 பல்கலைக்கழகங்களில் கூட நமது இந்திய பல்கலைக்கழகங்கள் இல்லை. பல்கலைக்கழகங்கள் எண்ணிக்கையை உயர்த்துவது நல்லதே. அதே நேரத்தில் அதன் தரத்தையும் உயர்த்த வேண்டும் என்றார்.


மேலும் செய்திகள்

Like Us on Facebook Dinkaran Daily News
  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

  • climate_strike11

    பருவநிலை மாற்றத்திற்கு எதிராக இந்தியா உள்ளிட்ட 150 நாடுகளில் பேரணி : பூமியைப் பாதுகாக்க கோரி பதாகைகளை ஏந்தி இளைஞர்கள் முழக்கம்

படங்கள் வீடியோ கல்வி சினிமா ஜோ‌திட‌ம்