SUN குழுமத்திலிருந்து வெளிவரும் காலை நாளிதழ்

முடிந்தது ஜனநாயக கடமை கொடைக்கானலில் குவிந்த சுற்றுலாப்பயணிகள்

2019-04-20@ 12:53:12

* போக்குவரத்து நெரிசலால் அவதி

கொடைக்கானல் :  தேர்தல் முடிவடைந்ததையடுத்து கொடைக்கானலில் சுற்றுலாப்பயணிகள் அதிகளவில் குவிந்து வருகின்றனர். பள்ளிகளில் கோடை விடுமுறை விட்ட பின்பும் தேர்தலால் கொடைக்கானலில் சுற்றுலாப்பயணிகள் வரத்து குறைவாகவே இருந்தது. தற்போது தேர்தல் முடிந்ததையடுத்து நேற்று காலையிலிருந்தே சுற்றுலாப்பயணிகள் கொடைக்கானலை நோக்கி படையெடுக்க துவங்கி விட்டனர். மோயர் பாயிண்ட், குணா குகை, பில்லர் ராக், கோக்கர்ஸ் வாக், தற்கொலை முனை, பைன் பாரஸ்ட் போன்ற தலங்களில் சுற்றுலாப்பயணிகளின் தலைகளாகவே தென்பட்டன. தவிர ஏரியில் படகுசவாரி, ஏரிச்சாலையில் குதிரை சவாரி, சைக்கிள் மற்றும் டூவீலர் ரைடிங் செய்து வருகின்றனர்.

ஒரு மாதமாக கொடைக்கானலில் வெயில் கொளுத்தி வந்த நிலையில் கடந்த 2 நாட்களாக மழை பெய்து வருகிறது. இதனால் கொடைக்கானல் முழுவதும் கோடைசீசனை வரவேற்கும் விதமாக குளுமையாக காணப்படுவதால் சுற்றுலாப்பயணிகள் உற்சாகமடைந்து வருகின்றனர். நேற்று ஒரே நாளில் கொடைக்கானல் நோக்கி சுற்றுலா வாகனங்கள் படையெடுப்பால், பல இடங்களில் நெரிசல் ஏற்பட்டு போக்குவரத்து ஸ்தம்பித்தது. இதனால் சுற்றுலாப்பயணிகள் கடும் அவதிக்குள்ளாகினர்.

கொடைக்கானல் அப்சர்வேட்டரி பகுதியில் மரக்கிளை ஒன்று சாலையில் முறிந்து விழுந்ததால் போக்குவரத்து தடைபட்டது. பின்னர் தீயணைப்புத்துறையினர் மரக்கிளையை அப்புறப்படுத்தி போக்குவரத்தை சீர்படுத்தினர். வரும் காலங்களில் சுற்றுலாப்பயணிகள் வருகை மேலும் அதிகரிக்கும். எனவே மாவட்ட எஸ்பி, கொடைக்கானலில் போக்குவரத்தை சீர்செய்ய கூடுதல் போலீசாரை பணியமர்த்த வேண்டும் என சுற்றுலாப்பயணிகள், பொதுமக்கள் கோரிக்கை விடுத்துள்ளனர்.


மேலும் செய்திகள்

Like Us on Facebook Dinkaran Daily News
  • 20-10-2019

    20-10-2019 இன்றைய சிறப்பு படங்கள்

  • 19-10-2019

    19-10-2019 இன்றைய சிறப்பு படங்கள்

  • boniaredlady

    தனது வாழ்க்கையை சிகப்பு வண்ணத்தில் நிரப்பிய மூதாட்டி: வீடு, ஆடை என அனைத்திலும் சிகப்பு வண்ணம்!

  • chisa

    தகவல் தொடர்பு தொழில்நுட்ப செயற்கைக்கோளை விண்ணில் வெற்றிகரமாக ஏவியது சீனா

  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

படங்கள் வீடியோ கல்வி சினிமா ஜோ‌திட‌ம்