SUN குழுமத்திலிருந்து வெளிவரும் காலை நாளிதழ்

எல்லை தாண்டிய வர்த்தகத்துக்கு தடை மிளகாய், மாம்பழம், உலர் பழம் உட்பட 21 பொருட்களின் விற்பனை பாதிக்கும்: வியாபாரிகள் தவிப்பு

2019-04-20@ 02:52:51

புதுடெல்லி: எல்லை தாண்டிய வர்த்தகத்துக்கு இந்தியா விதித்துள்ள தடையால், மிளகாய், மாம்பழம், மூலிகைகள் உட்பட 21 பொருட்களின் வர்த்தகம் கடுமையாக பாதிக்கப்படும் நிலை ஏற்பட்டுள்ளது. கடந்த 2008ம் ஆண்டில் இருந்து காஷ்மீரில் பாரமுல்லாவில் உள்ள சலாம்பாத், ஜம்முவில் உள்ள பூஞ்ச் மாவட்டம் சக்கன் - டா - பாக் பகுதியில் எல்லை தாண்டிய வர்த்தகம் நடைபெற்று வருகிறது. 2017ம் ஆண்டு வரை இந்த வர்த்தகம் உரி வர்த்தக மையத்தில் ரூ.4,400 கோடியையும், பூஞ்ச் பகுதியில் ரூ.2,542 கோடியையும் எட்டியுள்ளது.

மொத்தம் ரூ.6,900 கோடியை எட்டியுள்ள இந்த வர்த்தகம் தற்போது தடை செய்யப்பட்டுள்ளது. இதுகுறித்து மத்திய அரசு விடுத்த அறிக்கையில், பாகிஸ்தானில் இருந்து செயல்படும் சில சக்திகள், எல்லை தாண்டிய வர்த்தகத்தை பயன்படுத்தி ஆயுதங்கள், போதைப்பொருட்கள், போலி ரூபாய் நோட்டுக்களை கடத்த பயன்படுத்துவதாக மத்திய அரசு தெரிவித்துள்ளது. இதை தொடர்ந்து காஷ்மீரில் பாரமுல்லாவில் உள்ள சலாம்பாத், ஜம்முவில் உள்ள பூஞ்ச் மாவட்டம் சக்கன் - டா - பாக் பகுதியில் நடந்து வந்த எல்லை தாண்டிய வர்த்தகத்துக்கு தடை விதிக்கப்பட்டுள்ளது என தெரிவித்துள்ளது.

இந்த வர்த்தகத்தில் நேரடியாக ஈடுபட்டு வந்த 280 வியாபாரிகள் பாதிக்கப்படுவார்கள் என எதிர்பார்க்கப்படுகிறது. குறிப்பாக, மிளகாய் வற்றல், மாம்பழம், மூலிகைகள், உலர் பழங்கள் உட்பட 21 பொருட்களின் வர்த்தகம் இங்கு அமோகமாக நடக்கும். இவற்றின் விற்பனை தற்போது பாதிக்கப்பட்டுள்ளது. இதனால் வியாபாரிகள் தவித்து வருகின்றனர். துவக்கத்தில் இந்த வர்த்தக சந்தை வாரம் 2 நாட்கள் நடைபெற்று வந்தது. 2011, அக்டோபர் 15 முதல் இது வாரம் 4 நாட்கள் செயல்படுகிறது. மத்திய அரசின் தடை நடவடிக்கைக்கு கட்சிகள் கடும் கண்டனம் தெரிவித்துள்ளன.


மேலும் செய்திகள்

Like Us on Facebook Dinkaran Daily News
  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

  • milkashake1111

    பிரிட்டனில் மில்ஷேக்கிங் போராட்டம் : வேட்பாளர்கள் மீது மில்ஷேக்குகளை வீசி எதிர்ப்பை தெரிவிக்கும் மக்கள்

படங்கள் வீடியோ கல்வி சினிமா ஜோ‌திட‌ம்