SUN குழுமத்திலிருந்து வெளிவரும் காலை நாளிதழ்

சசிகலா வந்த பின் பாருங்கள்.. அமமுகவின் அதிரடி திட்டம் என்ன.. சி.ஆர்.சரஸ்வதி விளக்கம்

2019-04-19@ 16:35:54

சென்னை: அமமுகவின் பொதுச்செயலாளராக டிடிவி தினகரன் தேர்வு செய்யப்பட்டது குறித்து அக்கட்சியின் செய்தி தொடர்பாளர் சி.ஆர்.சரஸ்வதி பேட்டி அளித்துள்ளார். இவர் சசிகலா குறித்தும் தனது பேட்டியில் குறிப்பிட்டுள்ளார். மக்களவைத் தேர்தலில் அ.ம.மு.க வேட்பாளர்களுக்குச் சின்னம் கிடைப்பதில் கடைசி வரை கடும் இழுபறி இருந்தது. இறுதியாக நீதிமன்ற உத்தரப்படி அவர்களுக்கு பரிசுப்பெட்டி சின்னம் ஒதுக்கப்பட்டது. அப்போது நடைபெற்ற வழக்கு விசாரணையின் போது அ.ம.மு.க வை கட்சியாகப் பதிவு செய்யத் தயார் எனத் தினகரன் தரப்பில் நீதிமன்றத்தில் தெரிவிக்கப்பட்டது. அம்மா மக்கள் முன்னேற்ற கழகத்தை தேர்தல் ஆணையத்தில் பதிவு செய்ய டிடிவி தினகரன் முடிவு செய்துள்ளார். இது தொடர்பாக நடந்த உறுப்பினர் கூட்டத்தில் ஒருமனதாக முடிவு எடுக்கப்பட்டது. அதேபோல் கட்சியின் எதிர்காலம் குறித்தும் இதில் பல விஷயங்கள் பேசப்பட்டது. இதன்பின் அக்கட்சியின் செய்தி தொடர்பாளர் சி.ஆர்.சரஸ்வதி பேட்டி அளித்துள்ளார்.

அதில் அமமுகவின் பொதுச்செயலாளராக தினகரன் ஒருமனதாக தேர்வு செய்யப்பட்டார். எல்லா உறுப்பினர்களும் இதற்கு ஒப்புக்கொண்டார்கள். தினகரன் வழிகாட்டும் திசையில் கட்சி பயணிக்கும்.
அமமுகவில் தலைவர் என்ற பதவியை உருவாக்கவும் நிர்வாகிகள் கூட்டத்தில் முடிவு செய்யப்பட்டது. அதனால் சசிகலா சிறையில் இருந்து வெளியே வந்தவுடன் அவர்தான் தலைவி. அதிமுகவுக்கு உரிமை கோரும் சட்டப் போராட்டங்கள் தொடரும். அதனால் சசிகலா சிறையில் இருந்து வெளியே வந்தபின் அதிமுக பொதுச்செயலாளர் பதவி குறித்து வழக்கு போடுவோம். அவர் வந்தபின் முக்கியமான மாற்றங்கள் நடக்கும். அதை சசிகலா கவனித்துக் கொள்வார் என்று, அமமுக செய்தி தொடர்பாளர் சி.ஆர்.சரஸ்வதி பேட்டி அளித்துள்ளார்.


மேலும் செய்திகள்

Like Us on Facebook Dinkaran Daily News
  • 19-10-2019

    19-10-2019 இன்றைய சிறப்பு படங்கள்

  • boniaredlady

    தனது வாழ்க்கையை சிகப்பு வண்ணத்தில் நிரப்பிய மூதாட்டி: வீடு, ஆடை என அனைத்திலும் சிகப்பு வண்ணம்!

  • chisa

    தகவல் தொடர்பு தொழில்நுட்ப செயற்கைக்கோளை விண்ணில் வெற்றிகரமாக ஏவியது சீனா

  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

  • 18-10-2019

    18-10-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்