SUN குழுமத்திலிருந்து வெளிவரும் காலை நாளிதழ்

மாதவரத்தில் உள்ள அதிமுக பிரமுகர் வீட்டில் தேர்தல் அதிகாரிகள் மற்றும் வருமான வரித்துறையினர் சோதனை

2019-04-15@ 15:16:53

திருவள்ளூர்: சென்னையை அடுத்த மாதவரத்தில் உள்ள அதிமுக பிரமுகர் வீட்டில் தேர்தல் அதிகாரிகள் மற்றும் வருமான வரித்துறையினர் சோதனை நடத்தி வருகின்றனர். திருவள்ளூர் நாடாளுமன்ற தொகுதிக்குட்பட்ட மாதவரம் சட்டமன்ற தொகுதியின் மாத்தூர் எம்எம்டிஏ பகுதியில் அதிமுக பிரமுகரான மகாதேவன் வசித்து வருகிறார். இவர் சுபத்ரா டிராவல்ஸ் என்ற நிறுவனத்தை நடத்தி வருகிறார். இவருக்கு சொந்தமாக கோயம்பேட்டில் 5 பேருந்துகளும், 3 கன்டெய்னர் லாரிகளும் இயங்கி வருவதாக தெரிவிக்கப்பட்டுள்ளது. இந்நிலையில் நேற்றிரவு இவரது வீட்டில் ஏராளமான அதிமுகவினர் குவிந்ததாக தெரிகிறது. அதுமட்டுமல்லாது, வாக்காளர்களுக்கு விநியோகம் செய்வதற்காக இவரது வீட்டில் பல லட்ச ரூபாய் பணம் பதுக்கப்பட்டுள்ளதாகவும் தேர்தல் பறக்கும்படையினருக்கு தகவல் கிடைத்துள்ளது.

இதையடுத்து, மாதவரம் தேர்தல் பறக்கும் படை அதிகாரி வேதநாயகி தலைமையில் 5க்கும் மேற்பட்ட அதிகாரிகள் மகாதேவன் வீட்டில் சோதனையிட்டனர். அப்போது பணம் இருப்பது உறுதி செய்யப்பட்டதால், தேர்தல் பறக்கும் படை அதிகாரிகள், வருமான வரித்துறையினருக்கு தகவலளித்தனர். இதையடுத்து, சம்பவ இடத்திற்கு விரைந்த வருமான வரித்துறை அதிகாரிகள் மகாதேவன் வீட்டில் சோதனை செய்து வருகின்றனர். வருமான வரித்துறையினரின் சோதனை முடிந்த பின்பே அதிமுக பிரமுகர் வீட்டில் எவ்வளவு பணம் பறிமுதல் செய்யப்பட்டுள்ளது என்ற தகவல் வெளியாகும் என தெரிவிக்கப்பட்டுள்ளது. மேலும், தேர்தல் பறக்கும் படை மற்றும் வருமான வரித்துறையினரின் சோதனையால் அப்பகுதியில் பரபரப்பு ஏற்பட்டுள்ளது. இந்த சோதனையால் அதிமுகவினரும் அதிர்ச்சியடைந்துள்ளனர்.


மேலும் செய்திகள்

Like Us on Facebook Dinkaran Daily News
  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்