SUN குழுமத்திலிருந்து வெளிவரும் காலை நாளிதழ்

தமிழ்நாட்டில் மக்களவைத் தேர்தல் தேதியை மாற்றக் கோரிய கிறிஸ்துவ மனுவை தள்ளுபடி செய்தது சென்னை உயர்நீதிமன்றம்

2019-03-28@ 11:51:12

சென்னை: தமிழ்நாட்டில் மக்களவைத் தேர்தல் தேதியை மாற்றக் கோரி கிறிஸ்துவ அமைப்பு தாக்கல் செய்த மனு தள்ளுபடி செய்யப்பட்டுள்ளது. மத்தியில் பாஜ தலைமையிலான தேசிய  ஜனநாயக கூட்டணி அரசின் 16வது மக்களவை பதவிக் காலம் வரும் ஜூன் 3ம் தேதியுடன் முடிகிறது. இதையொட்டி, ஏப்ரல், மே மாதத்தில் மக்களவை தேர்தலை நடத்த தேர்தல்  ஆணையம் முடிவு செய்தது. ஆந்திரா உள்ளிட்ட 5 மாநிலங்களின் சட்டப்பேரவை பதவிக்காலம் விரைவில் முடிய உள்ளதால் அந்த மாநிலங்களில் மக்களவை தேர்தலுடன் சட்டப்பேரவை  தேர்தலையும் நடத்துவதற்கான ஆலோசனைகள் செய்யப்பட்டன. அதேபோல், தமிழகத்தில் காலியாக உள்ள 18 சட்டப்பேரவை தொகுதிகளுக்கும் மக்களவை தேர்தலுடன் சேர்த்து தேர்தல்  நடத்த வேண்டுமென அரசியல் கட்சிகள் வலியுறுத்தின. இதைத் தொடர்ந்து, தேர்தல் திருவிழாவை நடத்துவதற்கான அனைத்து முன்னேற்பாடுகளும் முடிந்த நிலையில், தலைமை தேர்தல்  ஆணையர் சுனில் அரோரா தலைமையில் தேர்தல் ஆணையர்கள் ஆலோசனைக் கூட்டம் டெல்லியில் கடந்த 10-ம் தேதி நடந்தது.

இக்கூட்டம் முடிந்ததும் தலைமை தேர்தல் ஆணையர் சுனில் அரோரா டெல்லி விஞ்ஞான் பவனில், 17வது மக்களவை தேர்தலுக்கான தேதியை அறிவித்தார். அதன்படி, நாடு முழுவதும்  உள்ள 543 தொகுதிகளுக்கும் ஏப்ரல் 11ம் தேதி தொடங்கி மே 19ம் தேதி வரை 7 கட்டமாக வாக்குப்பதிவு நடத்தப்பட உள்ளது. தமிழகம், புதுச்சேரியில் உள்ள 40 மக்களவை தொகுதிகளுக்கு  வரும் ஏப்ரல் 18ம் தேதி வாக்குப்பதிவு நடத்தப்படுகிறது. அன்றைய தினமே, காலியாக உள்ள 18 சட்டப் பேரவை தொகுதிகளுக்கும் இடைத்தேர்தல் நடத்தப்பட உள்ளது. இதற்கான  வேட்புமனு தாக்கல் வரும் 19ம் தேதி தொடங்குகிறது. நாடு முழுவதும் உள்ள 543 தொகுதிகளுக்கும் 7 கட்டமாக தேர்தல் நடத்தப்பட்டு, மே 23ம் தேதி ஓட்டுகள் எண்ணப்பட்டு அன்றைய  தினமே முடிவு அறிவிக்கப்பட உள்ளது.

இந்நிலையில், ஏப்ரல் 18-ம் தேதி புனித வியாழன் கடைப்பிடிக்கப்படுவதால் தேர்தல் தேதியை மாற்றக்கோரி கிறிஸ்துவ மக்கள் களம் அமைப்பு சென்னை உயர்நீதிமன்றத்தில் மனு தாக்கல்  செய்தது. இந்த மனுவை இன்று விசாரித்த உயர்நீதிமன்றம், பெரிய வியாழன் பண்டிகையை காரணம் காட்டி தேர்தலை தள்ளி வைக்க முடியாது எனக்கூறி மனுவை தள்ளுபடி செய்தது.


மேலும் செய்திகள்

Like Us on Facebook Dinkaran Daily News
  • pakmissiletest

    இந்தியாவுக்கு போட்டியாக கண்டம் விட்டு கண்டம் பாயும் ஷாஹீன்-1 ஏவுகணையை சோதனை செய்தது பாகிஸ்தான்!

  • indhragandhi102

    இந்திரா காந்தியின் 102வது பிறந்த தினம் இன்று: சோனியாகாந்தி உள்ளிட்ட கட்சித் தலைவர்கள் இந்திரா காந்தி நினைவிடத்தில் மரியாதை

  • californiagunshot

    பார்ட்டியில் புகுந்து மர்மநபர்கள் சரமாரி துப்பாக்கிசூடு: கலிஃபோர்னியாவில் நடந்த இந்த சம்பவத்தில் 4 பேர் பலி!

  • isisterrorbabies

    ரஷ்ய சிறையில் உள்ள ISIS பயங்கரவாத சந்தேக நபர்களின் குழந்தைகள் ஈராக் சிறையில் இருந்து டஜன் கணக்கில் மீட்பு

  • 19-11-2019

    19-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்