SUN குழுமத்திலிருந்து வெளிவரும் காலை நாளிதழ்

பெரம்பலூர் தொகுதி மக்கள் நீதி மய்ய வேட்பாளரின் வேட்புமனுவை ஏற்க தேர்தல் அதிகாரி மறுப்பு!

2019-03-26@ 17:10:25

பெரம்பலூர்: பெரம்பலூர் தொகுதி மக்கள் நீதி மய்ய வேட்பாளர் செந்தில்குமாரின் வேட்புமனுவை ஏற்க தேர்தல் அதிகாரி மறுப்பு தெரிவித்துள்ளார். மக்களவை தேர்தல் மற்றும் சட்டமன்ற இடைத்தேர்தல் தமிழகத்தில் வரும் ஏப்ரல் 18ம் தேதி நடைபெறுகிறது. இதனால் தேர்தல் களம் சூடுபிடித்துள்ளது. இந்த இரு தேர்தல்களிலும் கமல்ஹாசனின் மக்கள் நீதி மய்யம் கட்சி போட்டியிடுகிறது. இதற்கான முழு வேட்பாளர் பட்டியல் கடந்த ஞாயிற்றுக்கிழமை வெளியிடப்பட்டது. இதையடுத்து மக்கள் நீதி மய்ய வேட்பாளர்கள் வரிசையாக தங்கள் வேட்புமனுக்களை தாக்கல் செய்து வந்தனர். கடந்த வாரம் தமிழகத்தில் தொடங்கிய வேட்புமனு தாக்கல் இன்று மதியம் 3 மணியுடன் நிறைவு பெற்றது. இதையடுத்து டோக்கன் வழங்கப்பட்ட நபர்களுக்கு மட்டும் வேட்புமனு தாக்கல் செய்ய தற்போது அனுமதி வழங்கப்பட்டுள்ளது. இந்த நிலையில் பெரம்பலூர் மக்கள் நீதி மய்யம் கட்சியின் வேட்பாளர் செந்தில்குமார் வேட்புமனு தாக்கல் செய்ய இன்று காலதாமதமாக வந்துள்ளார்.

இவர் 3.20 மணிக்கு வேட்புமனு தாக்கல் செய்ய வந்ததாக கூறப்படுகிறது. செந்தில்குமார் காலதாமதமாக வந்த காரணத்தால் போலீசார் இவரை அலுவலகத்திற்குள்ளே அனுமதிக்க மறுப்பு தெரிவித்துள்ளனர். இதனால் செந்தில்குமார் மற்றும் அவரின் ஆதவாளர்கள் போலீசாருடன் வாக்குவாதத்தில் ஈடுபட்டுள்ளனர். இதையடுத்து அவர் உள்ளே அனுமதிக்கப்பட்டுள்ளார். ஆனால், செந்தில்குமார் தாமதமாக வந்ததை காரணம் காட்டி, அவரது வேட்புமனுவை ஏற்க தேர்தல் அதிகாரி மறுப்பு தெரிவித்துள்ளார். அதுமட்டுமல்லாது, வேட்புமனுவுடன் தாக்கல் செய்ய வேண்டிய ஆவணங்கள் சரியாக இல்லை எனவும் தேர்தல் அதிகாரி குற்றம்சாட்டியுள்ளார். இந்த நிலையில், தாங்கள் டோக்கன் பெற்று காத்திருந்த போதிலும் முன்னதாக வந்த வேட்பாளர்கள் வேட்புமனுவை தாக்கல் செய்வதில் தாமதம் செய்ததால், செந்தில்குமாரின் வேட்புமனு நிராகரிக்கப்பட்டதாக குற்றம்சாட்டியுள்ளனர். இதையடுத்து செய்வதறியாது செந்தில்குமார் மற்றும் அவரது ஆதரவாளர்கள் திணறி வருகின்றனர்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்