SUN குழுமத்திலிருந்து வெளிவரும் காலை நாளிதழ்

ஏப்.18-ல் நாடாளுமன்ற தேர்தல்: சென்னையில் இன்று முதல் 3 நாட்கள் முதல்வர் பழனிசாமி தேர்தல் பிரசாரம்

2019-03-25@ 08:34:32

சென்னை: சென்னையில் இன்று முதல் 3 நாட்கள் முதல்வர் எடப்பாடி பழனிசாமி தேர்தல் பிரசாரத்தில் ஈடுபடுகிறார். தமிழகம் மற்றும் புதுச்சேரியில் மொத்தமுள்ள 40 மக்களவை தொகுதிக்கும் வருகிற ஏப்ரல் 18ம் தேதி ஒரே கட்டமாக வாக்குப்பதிவு நடைபெறுகிறது. அதேபோன்று தமிழகத்தில் காலியாக உள்ள 18 சட்டமன்ற தொகுதிக்கும் அன்றைய தினம் இடைத்தேர்தல் நடைபெறுகிறது. தமிழகத்தில் அதிமுக தலைமையில் பாஜக, பாமக, தேமுதிக, தமாகா உள்ளிட்ட கட்சியினர் கூட்டணி அமைத்து தேர்தலை சந்திக்கின்றனர். இந்நிலையில், தமிழகத்தில் அ.தி.மு.க. மற்றும் கூட்டணி கட்சி வேட்பாளர்களை ஆதரித்து அ.தி.மு.க. இணை ஒருங்கிணைப்பாளரும், முதல்-அமைச்சருமான எடப்பாடி பழனிசாமி கடந்த 22-ந் தேதி முதல் தேர்தல் பிரசாரத்தில் ஈடுபட்டு வருகிறார். இந்நிலையில், முதல்வர் எடப்பாடி பழனிசாமியின் தேர்தல் பிரசார சுற்றுப்பயண விவரத்தை அ.தி.மு.க. தலைமைக் கழகம் நேற்று வெளியிட்டுள்ளது. அதில் இன்று முதல் வரும் புதன்கிழமை 27-ம் தேதி வரை முன்று நாட்கள் முதல்வர் எடப்பாடி பழனிசாமி சென்னையில் தேர்தல் பிரசாரத்தில் ஈடுபடுகிறார்.

வடசென்னை நாடாளுமன்ற தொகுதி:

வடசென்னை நாடாளுமன்ற தொகுதி தே.மு.தி.க. வேட்பாளர் அழகாபுரம் ஆர்.மோகன்ராஜூக்கு ஆதரவாக இன்று மாலை 3.45 மணியளவில் ராயபுரம் காவல் நிலையம் அருகே முதல்-அமைச்சர் எடப்பாடி பழனிசாமி தேர்தல் பிரசாரத்தை தொடங்குகிறார். மாலை 4.15 மணிக்கு காசிமேடு, 4.45 மணிக்கு எஸ்.என்.செட்டி தெரு, அப்பாசாமி கோவில் தெரு இடதுபக்கம், 5.30 மணிக்கு திருவொற்றியூர் வடிவுடையம்மன் கோவில், 6 மணிக்கு எண்ணூர் சாலை - மணலி நெடுஞ்சாலை சந்திப்பு ஆகிய இடங்களில் எடப்பாடி பழனிசாமி பேசுகிறார். மாலை 6.30 மணிக்கு முல்லைநகர் பஸ் நிலையம் அருகே பெரம்பூர் தொகுதி இடைத்தேர்தலில் போட்டியிடும் அ.தி.மு.க. வேட்பாளர் ஆர்.எஸ்.ராஜேசுக்கு ஆதரவாக வாக்கு சேகரிக்கிறார்.

தென்சென்னை, மத்திய சென்னை நாடாளுமன்ற தொகுதி:

நாளை 26-3-2019 தென்சென்னை நாடாளுமன்ற தொகுதி அ.தி.மு.க. வேட்பாளர் டாக்டர் ஜெ.ஜெயவர்தன் எம்.பி., மத்திய சென்னை நாடாளுமன்ற தொகுதி பா.ம.க. வேட்பாளர் சாம் பால் ஆகியோரை ஆதரித்து முதல்மைச்சர் எடப்பாடி பழனிசாமி பேசுகிறார். காலை 8 மணிக்கு திருவல்லிக்கேணி பார்த்தசாரதி கோவில் - பாரதியார் வீடு பின்புறம் தேர்தல் பிரசாரத்தை தொடங்கும் எடப்பாடி பழனிசாமி, 8.30 மணிக்கு சிந்தாதிரிப்பேட்டை மார்க்கெட், 9.15 மணிக்கு சூளை, 9.45 மணிக்கு டி.பி.சத்திரம், 10.15 மணிக்கு சி.எம்.டி.ஏ. காலனி, 10.30 மணிக்கு கோயம்பேடு ரவுண்டானா ஆகிய இடங்களில் பொதுமக்கள் மத்தியில் வாக்கு சேகரிக்கிறார்.

காஞ்சீபுரம், ஸ்ரீபெரும்புதூர் நாடாளுமன்ற தொகுதி:

நானை மறுநாள் 27-3-2019 தென்சென்னை நாடாளுமன்ற தொகுதி அ.தி.மு.க. வேட்பாளர் டாக்டர் ஜெ.ஜெயவர்தன், காஞ்சீபுரம் நாடாளுமன்ற தொகுதி அ.தி.மு.க. வேட்பாளர் மரகதம் குமரவேல், ஸ்ரீபெரும்புதூர் நாடாளுமன்ற தொகுதி பா.ம.க. வேட்பாளர் டாக்டர் அ.வைத்திலிங்கம், திருவள்ளூர் நாடாளுமன்ற தொகுதி அ.தி.மு.க. வேட்பாளர் டாக்டர் பி.வேணுகோபால் ஆகியோரை ஆதரித்து முதல்-அமைச்சர் எடப்பாடி பழனிசாமி பேசுகிறார். காலை 8.30 மணிக்கு சோழிங்கநல்லூர், 9.30 மணிக்கு திருப்போரூர் கடைவீதி, 10.30 மணிக்கு மாமல்லபுரம், பகல் 11.15 மணிக்கு திருக்கழுக்குன்றம், 12 மணிக்கு தாம்பரம், 12.30 மணிக்கு பல்லாவரம், 1 மணிக்கு கிண்டி, மாலை 3 மணிக்கு போரூர் ஆகிய இடங்களில் எடப்பாடி பழனிசாமி பேசுகிறார். மாலை 4 மணிக்கு பூந்தமல்லி பஜார், 4.45 மணிக்கு திருமழிசை, 5.30 மணிக்கு வெள்ளவேடு, 6.30 மணிக்கு காக்களூர், இரவு 7 மணிக்கு ஆவடி பஜார், 7.45 மணிக்கு அம்பத்தூர் ராக்கி தியேட்டர், 9 மணிக்கு செங்குன்றம் பஜார் ஆகிய இடங்களில் முதல்-அமைச்சர் எடப்பாடி பழனிசாமி பேசுகிறார்.


மேலும் செய்திகள்

Like Us on Facebook Dinkaran Daily News
  • iyesumakal11

    இயேசு கிறிஸ்துவின் சிலுவைப் பாடுகளை நினைவுகூரும் புனிதவெள்ளி இன்று அனுசரிப்பு

  • 19-04-2019

    19-04-2019 இன்றைய சிறப்பு படங்கள்

  • 18-04-2019

    18-04-2019 இன்றைய சிறப்பு படங்கள்

  • chinaautoshow

    சீனாவில் நடைபெற்ற ஆட்டோ ஷோ 2019: BMW, Mercedes-Benz நிறுவனங்களின் புதிய கார்கள் அறிமுகம்

  • thirunangai

    கூத்தாண்டவர் கோவில் சித்திரை திருவிழா...சுவாமி திருக்கண் திறக்கும் நிகழ்ச்சியில் தாலி கட்டிக்கொண்ட திருநங்கைகள்

படங்கள் வீடியோ கல்வி சினிமா ஜோ‌திட‌ம்