SUN குழுமத்திலிருந்து வெளிவரும் காலை நாளிதழ்

தொடர்கிறது இலங்கை கடற்படை அட்டூழியம் ராமேஸ்வரம் மீனவர்கள் 11 பேர் சிறைபிடிப்பு: 2 படகுகளும் பறிமுதல்

2019-03-25@ 01:25:42

மண்டபம்: ராமேஸ்வரம் மீனவர்கள் 11 பேரை சிறைபிடித்த இலங்கை கடற்படையினர், அவர்களது 2 படகுகளையும் பறிமுதல் செய்தனர்.ராமேஸ்வரத்திலிருந்து நேற்று முன்தினம் 500க்கும் அதிகமான விசைப்படகுகளில் 2 ஆயிரம் மீனவர்கள் கடலுக்குச் சென்றனர். இரவு மீன்பிடித்து கொண்டிருந்தபோது ரோந்து வந்த இலங்கை கடற்படையினர், எல்லை  தாண்டியதாக குற்றம் சாட்டி ராமேஸ்வரம் மீனவர்களை விரட்டியடித்தனர்.ராமேஸ்வரத்தை சேர்ந்த முருகேசன், தங்கச்சிமடத்தை சேர்ந்த ஜோஸ்வா ஆகியோருக்கு சொந்தமான படகுகளை பறிமுதல் செய்து படகில் இருந்த இருளப்பன், பால்ராஜ் உட்பட 11 மீனவர்களை சிறைபிடித்துச் சென்றனர்.  மீனவர்கள் 11 பேரும் காரை கடற்படை முகாமுக்கு அழைத்து செல்லப்பட்டனர். இரவு முழுவதும் அதிகாரிகளின் விசாரணை முடிந்து நேற்று நீதிபதி வீட்டில்  ஆஜர்படுத்தப்பட்டனர்.

இலங்கை கடற்படையின் நடவடிக்கையால் வேறு பகுதியில் மீன்பிடித்து விட்டு நேற்று கரை திரும்பிய மீனவர்கள் வலையில் குறைந்தளவு மீன்களே இருந்தது. இதனால் தங்களுக்கு நஷ்டம் ஏற்பட்டதாக அவர்கள் கவலை  தெரிவித்தனர். மீனவர்களின் குடும்பத்தினர் கூறுகையில், ‘‘இலங்கை கடற்படை ஏற்கனவே பறிமுதல் செய்துள்ள படகுகள் இன்னும் மீட்கப்படாமல் உள்ள நிலையில் தற்போது இரண்டு படகுகளை பறிமுதல் செய்துள்ளனர். இதனால்  எங்களின் வாழ்வாதாரமே போய் விட்டது. தேர்தல் நெருங்கும் வேளையில் இலங்கை கடற்படை சிறைபிடித்து சென்றுள்ள 11 மீனவர்களை உடனே விடுதலை செய்ய மத்திய, மாநில அரசுகள் நடவடிக்கை எடுக்க வேண்டும்,’’  என்றனர்.


மேலும் செய்திகள்

Like Us on Facebook Dinkaran Daily News
  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

  • fra

    பிரான்சில் கோலாகலமாக நடைபெற்ற தேசிய தின கொண்டாட்டம்: 200 ராணுவ வாகனங்கள் அணிவகுப்பு

  • puyal

    கிரீஸ் நாட்டில் வீசிய தீவிர புயல் காரணமாக 7 சுற்றுலாப் பயணிகள் உயிரிழப்பு: 23 பேர் படுகாயம்

படங்கள் வீடியோ கல்வி சினிமா ஜோ‌திட‌ம்