SUN குழுமத்திலிருந்து வெளிவரும் காலை நாளிதழ்

‘அவங்களை தூக்குங்க ஆபீஸர்...’

2019-03-25@ 01:25:36

ஐந்து வருடம் அத்தனை சொகுசுகளையும் ஆண்டு, அனுபவித்துவிட்டு, அடுத்த தேர்தலில் சீட்டு இல்லை என்றதும், துண்டை உதறி தோளில் போட்டுக் கொண்டு அடுத்த திண்ணை தேடிச் சென்றால்... கோபம் வருமா,  இல்லையா? ஒடிசா மாநில ஆளும்கட்சி நிர்வாகிகள் அப்படி ஒரு கோபத்தில் தகித்துக் கொண்டிருக்கிறார்கள்.ஒடிசா மாநிலத்தில் சட்டப்பேரவை மற்றும் மக்களவைக்கு நான்கு கட்டங்களாக (ஏப். 11, 18, 23, 29) தேர்தல் நடக்க இருக்கிறது. பிஜேடி கட்சியின் முதல் வேட்பாளர் பட்டியல் வெளியானபோது. சிட்டிங் எம்எல்ஏ, எம்பிகள் பலருக்கும் இம்முறை சீட்டு வழங்கப்படவில்லை. ‘மக்கள் சேவையாற்ற’ மறுபடியும் வாய்ப்புத் தராத அதிருப்தியில் பிஜேடி கட்சியின்  சீனியர் நிர்வாகிகள் மனம் குமைந்து கொண்டிருந்தனர்.

‘வீசுடா வலைய...’ என்று பாஜ கட்சியினர் விரித்த வலையில், பிஜேடி நிர்வாகிகள் பலரும் போய் விழுந்தனர். திரிநாத் கொமாங்கோ (குனுப்பூர் தொகுதி), தெபராஜ் மொகந்தி (அஸ்கா), புர்னா நாயக் (தாஸ்பல்லா), சுகந்தா நாயக்  (நிலாகிரி), பஸந்தி மாலிக் (மோகனா தொகுதி) ஆகிய ஐந்து எம்எல்ஏக்களும் பிஜேடிக்கு குட்-பை சொல்லி விட்டு கிளம்பி விட்டனர்.இன்னும் சிலரும் அதிருப்தியில் இருப்பது தெரிந்து உஷாராகி விட்டார் கட்சித் தலைவர் நவீன். விளைவு... ஐந்து எம்எல்ஏக்கள் மீது நடவடிக்கைக்கு தயாராகிறார்கள். ‘கட்சி மாறிய ஐந்து எம்எல்ஏக்கள் மீதும் கட்சி தாவல் பிரிவின் கீழ் தகுதியிழப்பு நடவடிக்கை எடுக்கவேண்டும்’ என்று சபாநாயகர் பிரதிப்குமார் அமத்தை  சந்தித்து புகார்மனு கொடுத்து விட்டு வந்திருக்கிறார் பிஜேடி கட்சியின் தலைமை கொறடா அமர் பிரசாத் சத்பதி.


மேலும் செய்திகள்

Like Us on Facebook Dinkaran Daily News
  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்