SUN குழுமத்திலிருந்து வெளிவரும் காலை நாளிதழ்

ராயல் என்பீல்டு கிளாசிக் 350 ஏபிஎஸ் மாடல் அறிமுகம்

2019-03-24@ 03:41:05

ராயல் என்பீல்டு நிறுவனத்தின் அனைத்து மோட்டார்சைக்கிள் மாடல்களிலும் ஏபிஎஸ் பிரேக்கிங் சிஸ்டம் அறிமுகம் செய்யப்பட்டுவிட்டது. புல்லட் 350,  350 இஎஸ் மற்றும் கிளாசிக் 350 மாடல்களில் மட்டுமே ஏபிஎஸ் பிரேக்கிங் வசதி இல்லாத நிலை இருந்து வருகிறது. இந்நிலையில், கிளாசிக் 350  மோட்டார் சைக்கிளில் ஏபிஎஸ் பிரேக்கிங் வசதி கொடுக்கப்பட்டு இருக்கிறது. இந்த மாடலுக்கு 1.53 லட்சம் எக்ஸ்ஷோரூம் விலையாக  நிர்ணயிக்கப்பட்டு இருக்கிறது. இந்த மோட்டார் சைக்கிளில் டியூவல் சேனல் ஏபிஎஸ் பிரேக்கிங் சிஸ்டம் கொடுக்கப்பட்டு இருக்கிறது. ஏபிஎஸ் அல்லாத மாடலைவிட ₹5,800 என்ற  கூடுதல் விலையில் ஏபிஎஸ் மாடல் அறிமுகமாகி இருக்கிறது.

ஏபிஎஸ் பிரேக்கிங் சிஸ்டம் தவிர்த்து, கிளாசிக் 350 மோட்டார் சைக்கிளில் வேறு எந்த  மாற்றமும் இல்லை. இந்த மோட்டார் சைக்கிளில் 349சிசி சிங்கிள் சிலிண்டர் ஏர்கூல்டு இன்ஜின் பயன்படுத்தப்பட்டு இருக்கிறது. இந்த இன்ஜின்  அதிகபட்சமாக 19.8 பிஎச்பி பவரையும், 28 என்எம் டார்க் திறனையும் வழங்கும். 5 ஸ்பீடு கியர்பாக்ஸ் இணைக்கப்பட்டு இருக்கிறது. இதன் முன்சக்கரத்தில் 280 மிமீ டிஸ்க் பிரேக், பின்புறத்தில் 220 மிமீ டிஸ்க் பிரேக் இடம்பெற்றுள்ளது. இதனுடன், இரண்டு சக்கரங்களுக்குமான  ஏபிஎஸ் பிரேக்கிங் சிஸ்டம் இணைந்து செயல்படும். முன்புறத்தில் டெலிஸ்கோப்பிக் போர்க், பின்புறத்தில் டியூவல் ஷாக் அப்சார்பர்  பொருத்தப்பட்டுள்ளன.

சில்வர், சாம்பல், கிளாசிக் பிளாக், லகூன் புளூ மற்றும் கிளாசிக் செஸ்ட்நட் ரெட் ஆகிய 5 வண்ணங்களில் கிடைக்கிறது. ராயல் என்பீல்டு  நிறுவனத்தின் அதிகம் விற்பனையாகும் மோட்டார்சைக்கிள் மாடல் கிளாசிக் 350. இந்நிலையில், ஏபிஎஸ் பிரேக்கிங் சிஸ்டத்துடன் கூடுதல் மதிப்பு  வாய்ந்த மாடலாக இது மாறியிருக்கிறது. ஏபிஎஸ் மாடல் விலையும் மிக சரியாக நிர்ணயிக்கப்பட்டு இருப்பதால், வாடிக்கையாளர்களின் ஆதரவை  வழக்கம்போல் தொடரும் என்று நம்பலாம். இப்புதிய ராயல் என்பீல்டு கிளாசிக் 350 மோட்டார்சைக்கிள் மாடலானது ஜாவா 42, பஜாஜ் டோமினார் 400 உள்ளிட்ட மாடல்களுடன் போட்டி போடும்.


மேலும் செய்திகள்

Like Us on Facebook Dinkaran Daily News
  • iyesumakal11

    இயேசு கிறிஸ்துவின் சிலுவைப் பாடுகளை நினைவுகூரும் புனிதவெள்ளி இன்று அனுசரிப்பு

  • 19-04-2019

    19-04-2019 இன்றைய சிறப்பு படங்கள்

  • 18-04-2019

    18-04-2019 இன்றைய சிறப்பு படங்கள்

  • chinaautoshow

    சீனாவில் நடைபெற்ற ஆட்டோ ஷோ 2019: BMW, Mercedes-Benz நிறுவனங்களின் புதிய கார்கள் அறிமுகம்

  • thirunangai

    கூத்தாண்டவர் கோவில் சித்திரை திருவிழா...சுவாமி திருக்கண் திறக்கும் நிகழ்ச்சியில் தாலி கட்டிக்கொண்ட திருநங்கைகள்

படங்கள் வீடியோ கல்வி சினிமா ஜோ‌திட‌ம்