SUN குழுமத்திலிருந்து வெளிவரும் காலை நாளிதழ்

பல கோடி மதிப்பு சொத்தை அபகரிக்க முயற்சி... அதிமுக முன்னாள் எம்எல்ஏ அசோக் மீது கமிஷனர் அலுவலகத்தில் புகார்

2019-03-22@ 00:16:35

சென்னை: பல கோடி மதிப்புள்ள சொத்தை அபகரிக்க முயற்சி செய்யும் அதிமுகவின் வேளச்சேரி தொகுதி முன்னாள் எம்எல்ஏ அசோக் மீது நடவடிக்கை எடுக்க கோரி பாதிக்கப்பட்ட நபர் போலீஸ் கமிஷனர் அலுவலகத்தில் புகார் அளித்துள்ளார். சென்னை கே.கே.நகர் பகுதியை சேர்ந்த ஞானமுருகன்(46) என்பவர் போலீஸ் கமிஷனர் அலுவலகத்தில் அளித்த புகார் மனுவில் கூறியிருப்பதாவது: நான் கலாஜெயச்சந்திரன் என்பரின் நிறுவனத்தில் மேலாளராக பணியாற்றி வருகிறேன். என் முதலாளிக்கு சொந்தமாக வேளச்சேரி புவனேஸ்வரி நகரில் 18 கிராவுண்ட் நிலம் உள்ளது. இந்த நிலத்திற்கு சுற்று சுவர் அமைக்கும் பணியில் நாங்கள் ஈடுபட்டிருந்தோம். அப்போது, அதிமுகவின் வேளச்சேரி தொகுதி முன்னாள் எம்எல்ஏ அசோக், தனது அடியாட்களுடன் வந்து என்னையும், எனது பணியாளர்களை தாக்கியும் இடத்தை ஆக்கிரமிப்பு செய்ய முயற்சி செய்தார். இதுகுறித்து நான் வேளச்சேரி காவல்நிலையத்தில் புகார் அளித்தேன். ஆனால் புகாரில் படி எந்த நடவடிக்கையும் எடுக்கவில்ைல.

பின்னர் நீதிமன்ற உத்தரவுப்படி உரிய பாதுகாப்புடன் நிலத்தில் சுற்று சுவர் அமைக்க முயற்சி செய்தோம். அப்போது, முன்னாள் எம்எல்ஏ அசோக் தூண்டுதலில் ரகுபதி தனது அடியாட்களுடன் மீண்டும் வந்து கட்டுமான பொருட்கள் அடித்து உடைத்தனர். இந்த காட்சிகள் அனைத்து சிசிடிவியில் பதிவாகி உள்ளது. எனவே சம்பந்தப்பட்ட நபர்கள் மீது உரிய நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • modi1

    ஜி-20 உச்சி மாநாட்டில் பங்கேற்ற பிரதமர் மோடி ஜப்பான் பிரதமர் ஷின்சோ அபே உடன் சந்திப்பு

  • dr

    மியான்மரில் போதைப்பொருள் தடுப்பு தினத்தை முன்னிட்டு 747 கோடி மதிப்பிலான போதை பொருள்கள் தீ வைத்து அழிப்பு

  • hongkong

    சீனாவுக்கு நாடுகடத்தி விசாரிக்கும் மசோதாவை எதிர்த்து ஹாங்காங்கில் 1000க்கும் மேற்பட்டோர் போராட்டம்

  • jappan

    ஜப்பானில் நெற்பயிரில் உள்ள பூச்சிகளை அழிப்பதற்காக புதிய ரோபோ கண்டுபிடிப்பு

  • fire

    அமெரிக்காவின் புளோரிடா மாகாணத்தின் வனப்பகுதியில் மூன்று நாட்களாக காட்டுத் தீ

படங்கள் வீடியோ கல்வி சினிமா ஜோ‌திட‌ம்