SUN குழுமத்திலிருந்து வெளிவரும் காலை நாளிதழ்

சம்ஜவுதா குண்டுவெடிப்பில் 68 பேரை கொன்றது யார் என்பது யாருக்கும் தெரியாது

2019-03-22@ 00:05:12

புதுடெல்லி: சம்ஜவுதா எக்ஸ்பிரஸ் ரயில் குண்டுவெடிப்பில் 68 பேரை கொன்றது யார் என்பது `யாருக்கும் தெரியாது’ என காங்கிரஸ் மூத்த தலைவர் கபில் சிபல் கிண்டலடித்துள்ளார். இந்தியா - பாகிஸ்தான் இடையே இயக்கப்படும் சம்ஜவுதா எக்ஸ்பிரஸ் ரயில், கடந்த 2007 டிசம்பரில் அரியானா மாநிலம் பானிபட் அருகே சென்று கொண்டிருந்தபோது, 2 பெட்டிகளில் குண்டுவெடித்தது. இதில் 68 பேர் கொல்லப்பட்டனர். இதுகுறித்து வழக்குப்பதிவு செய்த தேசிய புலானய்வு அமைப்பு நபா குமார் சர்கார் என்ற சுவாமி அசீமானந்தா உள்ளிட்ட 8 பேரை கைது செய்து வழக்கு தொடர்ந்தது. ஆனால் வழக்கை விசாரித்த சிறப்பு நீதிமன்றம் தேசிய புலனாய்வு குழுவினர் போதிய ஆதாரங்களை சமர்ப்பிக்கவில்லை எனக் கூறி, அசீமானந்தா உள்ளிட்ட 4 பேரை விடுவித்தது.

மீதமுள்ள நால்வரில் ஒருவர் டிசம்பர் 2007ல் சுட்டுக் கொல்லப்பட்டார். 3 பேர் ஏற்கனவே தேடப்படும் குற்றவாளிகளாக அறிவிக்கப்பட்டுள்ளனர்.
இந்நிலையில், இதுகுறித்து காங்கிரஸ் மூத்த தலைவர் கபில்சிபல் நேற்று தனது டிவிட்டர் பதிவில், ``2007ம் ஆண்டு நடந்த சம்ஜவுதா எக்ஸ்பிரஸ் குண்டுவெடிப்பில், 12 ஆண்டுகளுக்கு பின் தீர்ப்பு வழங்கப்பட்டுள்ளது. குற்றம் சாட்டப்பட்ட அனைவரும் விடுதலையாகி உள்ளனர். அப்படி என்றால், இந்த குண்டுவெடிப்பில் 68 பேரை கொன்றது யார் என்பது யாருக்கும் தெரியாது. இது குற்றவியல் நீதித்துறை பெருமைப்படும் நாள்’’ என்று கிண்டலடித்து பதிவிட்டுள்ளார்.


மேலும் செய்திகள்

Like Us on Facebook Dinkaran Daily News
  • iyesumakal11

    இயேசு கிறிஸ்துவின் சிலுவைப் பாடுகளை நினைவுகூரும் புனிதவெள்ளி இன்று அனுசரிப்பு

  • 19-04-2019

    19-04-2019 இன்றைய சிறப்பு படங்கள்

  • 18-04-2019

    18-04-2019 இன்றைய சிறப்பு படங்கள்

  • chinaautoshow

    சீனாவில் நடைபெற்ற ஆட்டோ ஷோ 2019: BMW, Mercedes-Benz நிறுவனங்களின் புதிய கார்கள் அறிமுகம்

  • thirunangai

    கூத்தாண்டவர் கோவில் சித்திரை திருவிழா...சுவாமி திருக்கண் திறக்கும் நிகழ்ச்சியில் தாலி கட்டிக்கொண்ட திருநங்கைகள்

படங்கள் வீடியோ கல்வி சினிமா ஜோ‌திட‌ம்