SUN குழுமத்திலிருந்து வெளிவரும் காலை நாளிதழ்

5ஜி உதவியுடன் 3000 கிமீ தூரத்தில் இருந்து மூளை அறுவை சிகிச்சை செய்து சீன மருத்துவர் சாதனை!

2019-03-20@ 15:28:28

பெய்ஜிங் : சீனாவில் 5ஜி தொழில்நுட்பத்தின் உதவியுடன் 3000 கிமீ தொலைவில் உள்ள நோயாளிக்கு மூளை ஆறுவை சிகிச்சை செய்து மருத்துவர்கள் சாதனை படைத்துள்ளனர். தொழில்நுட்ப உலகில் அனைவரும் எதிர்பார்த்து காத்திருக்கும் அடுத்த முக்கிய விஷயமாக 5ஜி தொழில்நுட்பம் கருதப்படுகிறது. 5ஜி தொழில்நுட்பத்தின் ஆராய்ச்சியில் அதிக ஆர்வம் காட்டி வரும் சீன தொழில்நுட்ப நிறுவனங்கள் பல்வேறு அதிரடி நடவடிக்கைகள் மூலம் 5ஜியை பொதுமக்களின் பயன்பாட்டுக்கு கொண்டு வர முயற்சித்து வருகின்றனர். இந்நிலையில், சீன மருத்துவர் ஒருவர் 3000 கிமீ தொலைவில் உள்ள நோயாளிக்கு வீடியோ மூலம் அறுவை சிகிச்சை செய்துள்ளார்.

பெய்ஜிங் அரசு மருத்துவமனையில் பார்க்கின்சன் நோயால் பாதிக்கப்பட்ட ஒருவர் அனுமதிக்கப்பட்டிருந்த நிலையில், தென் சீனாவில் உள்ள ஹைனன் பிராந்தியத்தில் இருந்து லிங் ஜிபேய் என்ற மருத்துவர் அவருக்கு அறுவை சிகிச்சை செய்தார். மூளையில் பேஸ்மேக்கர் போன்ற ஒரு கருவியை பொருத்தும் இந்த அறுவை சிகிச்சை மிகவும் கடினமானதாக கருதப்படுகிறது. இந்த அறுவை சிகிச்சையை 5ஜி தொழில்நுட்பத்தில் முன்னிலை வகிக்கும் ஹுவெய் நிறுவனத்துடன் சேர்ந்து, லிங் ஜிபேய் செய்துள்ளது குறிப்பிடத்தக்கது. வீடியோ மூலம் தான் செய்த அறுவை சிகிச்சை நேரில் இருந்து செய்வது போல எந்த தங்கு தடையும் இல்லாமல் தெளிவாக இருந்ததாக லிங் தெரிவித்துள்ளார். முன்னதாக 5ஜி தொழில்நுட்பத்தின் உதவியுடன் ஒரு பன்றிக்கு சீன மருத்துவர்கள் அறுவை சிகிச்சை செய்து சாதனை படைத்துள்ளனர்.


மேலும் செய்திகள்

Like Us on Facebook Dinkaran Daily News
  • nba

    டொராண்டோவில் நடந்த கூடைப்பந்து போட்டியில் வெற்றி பெற்றதை கொண்டாடும் வகையில் அணிவகுப்பு

  • 18-06-2019

    18-06-2019 இன்றைய சிறப்பு படங்கள்

  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

படங்கள் வீடியோ கல்வி சினிமா ஜோ‌திட‌ம்