SUN குழுமத்திலிருந்து வெளிவரும் காலை நாளிதழ்

ஐபிஎல் டி20 தொடருக்கான லீக் சுற்று அட்டவணை முழுமையாக அறிவிப்பு

2019-03-20@ 00:20:02

புதுடெல்லி: இந்தியன் சூப்பர் லீக் டி20 தொடருக்கான லீக் சுற்று அட்டவணை விவரம் முழுமையாக வெளியிடப்பட்டுள்ளது. பிளே ஆப் சுற்று ஆட்டங்கள் மற்றும் இறுதிப் போட்டி பற்றிய விவரம் பின்னர் வெளியாகும்.கிரிக்கெட் ரசிகர்கள் ஆவலுடன் எதிர்பார்க்கும் ஐபிஎல் டி20 தொடரின் 12வது சீசன், மார்ச் 23ம் தேதி சென்னையில் கோலாகலமாகத் தொடங்குகிறது. சேப்பாக்கம் எம்.ஏ.சிதம்பரம் மைதானத்தில் நடக்கும் முதல் போட்டியில்  எம்.எஸ்.டோனி தலைமையிலான நடப்பு சாம்பியன் சென்னை சூப்பர் கிங்சுடன், விராத் கோஹ்லி தலைமையிலான ராயல் சேலஞ்சர்ஸ் பெங்களூரு அணி மோதுகிறது.ஏப்ரல் - மே மாதங்களில் மக்களவை தேர்தல் நடைபெறுவதால் அதற்கேற்ப போட்டி அட்டவணை தயாரிக்க வேண்டிய கட்டாயம் ஏற்பட்டதால், கடந்த மாதம் முதல் கட்டமாக 17 லீக் ஆட்டங்களுக்கான விவரம் மட்டும்  வெளியிடப்பட்டிருந்தது. இந்த நிலையில், இரண்டாம் கட்டமாக அனைத்து லீக் போட்டிகளுக்கான அட்டவணை நேற்று அறிவிக்கப்பட்டது.

இந்த தொடரில் களமிறங்கும் 8 அணிகளும் உள்ளூர்/வெளியூர் அடிப்படையில் தங்களுக்குள் தலா 2 முறை லீக் ஆட்டங்களில் மோதுகின்றன. இந்த சுற்று மே 5ம் தேதி வரை நடைபெறுகிறது. இதில் மொத்தம் 56 ஆட்டங்கள்  நடைபெற உள்ளன. இந்த சுற்றின் முடிவில் முதல் 4 இடங்களைப் பிடிக்கும் அணிகள் பிளே ஆப் சுற்றில் மோத உள்ளன. குவாலிபயர் 1, எலிமினேட்டர், குவாலிபயர் 2 ஆட்டங்களின் முடிவில் இறுதிப் போட்டியில் மோத உள்ள  அணிகள் முடிவு செய்யப்படும்.பிளே ஆப் சுற்று மற்றும் பைனலுக்கான விவரம் பின்னர் வெளியிடப்பட உள்ளது. இது குறித்து பிசிசிஐ நேற்று வெளியிட்ட அறிக்கையில், ‘ஐபிஎல் தொடரின் 12வது சீசன் முழுவதும் இந்தியாவிலேயே நடைபெற உள்ளது மிகுந்த  மகிழ்ச்சி அளிக்கிறது. ஒவ்வொரு அணியும் தங்களின் உள்ளூர் மைதானத்தில் 7 லீக் ஆட்டங்களை விளையாடுவது உறுதி செய்யப்பட்டுள்ளது. இதற்கு ஒத்துழைப்பு வழங்கிய தேர்தல் ஆணையம் மற்றும் காவல்துறைக்கு  கிரிக்கெட் வாரியம் சார்பில் நன்றியை தெரிவித்துக் கொள்கிறோம். லீக் சுற்றுக்கான முழு அட்டவணையை வெளியிட்டுள்ளோம். பிளே ஆப், பைனலுக்கான விவரமும் விரைவில் வெளியாகும்’ என தெரிவிக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • mo

    அமெரிக்க வெளியுறவுத்துறை அமைச்சர் மைக் பாம்பியோ பிரதமர் நரேந்திர மோடியுடன் சந்திப்பு

  • 4l

    ஓரின சேர்க்கை உரிமைகள் இயக்கத்திற்கான 50 வது ஆண்டு விழா கொண்டாட்டம்

  • c1

    ஈராக் போரில் துணிச்சலுடன் செயல்பட்ட வீரருக்கு அதிபர் டொனால்ட் டிரம்ப் பதக்கம் வழங்கினார்

  • b

    இடம்பெயருதலை தடுக்க அமெரிக்கா,மெக்ஸிகோ இடையிலான எல்லையில் 15,000 தேசிய பாதுகாப்பு படையினர் குவிப்பு

  • to1

    குஷ்னரின் மத்திய கிழக்கு சமாதான திட்டத்திற்கு எதிராக பாலஸ்தீனியர்கள் அணிவகுப்பு

படங்கள் வீடியோ கல்வி சினிமா ஜோ‌திட‌ம்