SUN குழுமத்திலிருந்து வெளிவரும் காலை நாளிதழ்

திருவண்ணாமலை அண்ணாமலையார் கோயில் அம்மணி அம்மன் கோபுர தூண் விரிசலை சரிசெய்ய தொழில்நுட்ப குழுவினர் ஆய்வு

2019-03-19@ 20:10:42

திருவண்ணாமலை: திருவண்ணாமலை அண்ணாமலையார் கோயில் அம்மணி அம்மன் கோபுர கல் தூணில் ஏற்பட்டுள்ள விரிசலை சரி செய்ய தொழில்நுட்பக் குழுவினர் ஆய்வு செய்தனர்.உலகமே வியக்கும் கற்கோயில் கட்டுமான நுட்பங்களுக்கு சான்றாக உள்ளது திருவண்ணாமலை அண்ணாமலையார் கோயில். இக்கோயிலின் நான்கு திசைகளிலும் பிரதான கோபுரங்களும், உட்பிரகாரங்களில் 5 சிறிய கோபுரங்களும் உள்ளன. பல்வேறு மன்னர்களின் ஆட்சி காலங்களில் அண்ணாமலையார் கோயில் கட்டியதால்  ஒவ்வொரு பிரகாரமும், ஒவ்வொரு வகையில் தனிச்சிறப்புடன் அமைந்திருக்கிறது. 217 அடி உயர ராஜ கோபுர, 144 அடி உயர பே கோபுரம், 171 அடி உயர அம்மணி அம்மன் கோபுரம், 157 அடி உயரத்தில் திருமஞ்சன கோபுரம் கட்டப்பட்டுள்ளது. நான்கு கோபுரங்களையொட்டி அமைந்துள்ள 4 கட்டை கோபுரங்களும் தலா 70 அடி உயரமாகும்.

இந்நிலையில் அம்மணி அம்மன் கோபுரத்தின் பக்கவாட்டு கல் தூணில், கொடிமங்கை சிலை அமைந்துள்ள பகுதியில் லேசான விரிசல் இருப்பது 2002ம் ஆண்டு கண்டுபிடிக்கப்பட்டு சீரமைக்கப்பட்டது. என்றாலும் இந்த விரிசல் தற்போது அதிகரித்து வருகிறது. எனவே இதை சரி செய்யும் பணியில் கோயில் நிர்வாகம் ஈடுபட்டது. அதன்படி, அறநிலையத்துறை கண்காணிப்பு பொறியாளர் கார்த்திகாயினி, தொல்லியல் துறை ஆய்வாளர் வசந்தி, கோயில் இணை ஆணையர் இரா.ஞானசேகர் உள்ளிட்ட குழுவினர் நேற்று ஆய்வு செய்தனர்.இதுகுறித்து கண்காணிப்பு பொறியாளர் கார்த்திகாயினி கூறுகையில், `அம்மணி அம்மன் கோபுர பக்கவாட்டு தூணில் ஏற்பட்டுள்ள விரிசலால் கோபுரத்துக்கு எந்த பாதிப்பும் இல்லை. ஆனாலும் இதனை ஆரம்ப நிலையிலேயே சரி செய்ய தேவையான நடவடிக்கை எடுத்திருக்கிறோம். கடுக்காய் உள்ளிட்ட இயற்கை பொருட்களை பயன்படுத்தி இந்த விரிசல் சரி செய்யப்படும்’’ என்றார்.


மேலும் செய்திகள்

Like Us on Facebook Dinkaran Daily News
  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

  • fra

    பிரான்சில் கோலாகலமாக நடைபெற்ற தேசிய தின கொண்டாட்டம்: 200 ராணுவ வாகனங்கள் அணிவகுப்பு

  • puyal

    கிரீஸ் நாட்டில் வீசிய தீவிர புயல் காரணமாக 7 சுற்றுலாப் பயணிகள் உயிரிழப்பு: 23 பேர் படுகாயம்

படங்கள் வீடியோ கல்வி சினிமா ஜோ‌திட‌ம்