SUN குழுமத்திலிருந்து வெளிவரும் காலை நாளிதழ்

ஐபிஎல் கிரிக்கெட் போட்டி: நாளை முதல் டிக்கெட் விற்பனை

2019-03-15@ 01:55:07

சென்னை: சென்னையில் நடைபெற ஐபிஎல் டி20 கிரிக்கெட் ேபாட்டிகக்கான டிக்கெட் விற்பனை நாளை முதல் நடைபெற உள்ளது. குறைந்தபட்ச டிக்கெட் கட்டணம் ரூ.1300. இந்தியன் பிரிமீயர் லீக்(ஐபிஎல்) டி20 கிரிக்கெட் தொடரின் 12வது சீசன் போட்டி மார்ச் 23ம் தேதி சென்னையில் தொடங்குகிறது. இந்த ஆண்டு உலக கோப்பை போட்டிகள் நடைபெற உள்ளதால் முதல் கட்ட போட்டிகளுக்கான அட்டவணை மட்டும் வெளியிடப்பட்டுள்ளது. அதன்படி சென்னையில்  மார்ச் 23, 31 தேதிகளில் ஐபிஎல் போட்டிகள் நடைபெற உள்ளன. சேப்பாக்கம் விளையாட்டரங்கில் மார்ச் 23ம் தேதி நடைபெறும் போட்டியில் சென்னை சூப்பர் கிங்ஸ் -  ராயல் சேலஞ்ச் பெங்களூர் அணிகள் மோத உள்ளன. இந்தப் போட்டிக்கான டிக்கெட் விற்பனை நாளை  தொடங்குகிறது.

சேப்பாக்கம் எம்.ஏ.சிதம்பரம் அரங்கில்  பகல் 11.30 மணி முதல் மாலை 6 மணி வரை டிக்கெட்களை வாங்கலாம். மற்ற நாட்களில் காலை 10 மணி முதல் விற்பனை நடைபெறும். பகல் 12.30 முதல் 2 மணி வரை உணவு இடைவேளை அறிவிக்கப்பட்டுள்ளது. விளையாட்டரங்கில் சி, டி, ஈ பகுதிகளில் உள்ள கீழ்தளங்களுக்கான  ரூ.1300 விலையுள்ள டிக்கெட்கள்   6வது வாயிலிலும்,  இதே பிரிவில் மேல் தளங்களுக்கான  ரூ.2500 விலையுள்ள டிக்கெட்கள் 3வது வாயிலிலும் விற்பனை செய்யப்படும். இவை தவிர சிறப்பு வகுப்புகளுக்கு  ரூ.5000, 6500 விலையில் டிக்கெட்கள் விற்கப்படும். மேலும் in.bookmyshow.com  என்ற இணையதளம் மூலமாகவும் டிக்கெட்கள் கிடைக்கும்.


மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்