SUN குழுமத்திலிருந்து வெளிவரும் காலை நாளிதழ்

ஏபிஎஸ் பிரேக்குடன் வருகிறது டிவிஎஸ் அப்பாச்சி 160

2019-03-03@ 00:04:16

கடந்த ஆண்டு மார்ச் மாதத்தில் புதிய டிவிஎஸ் அப்பாச்சி ஆர்டிஆர் 160 4வி பைக் மாடல் அறிமுகம் செய்யப்பட்டது. இந்தியாவின் 150-160 சிசி ரக பைக் மாடல்களில் புதிய டிவிஎஸ் அப்பாச்சி 160 4வி மாடல் சிறந்த தேர்வாக இருந்து வருகிறது. இந்த பைக்கில் டபுள் கிராடில் ஸ்பிளிட் சிங்க்ரோ ஸ்டிப் சேஸீ பயன்படுத்தப்பட்டு இருக்கிறது. இந்த சேஸீயானது டிவிஎஸ் ரேஸிங் அமைப்பின் ஆலோசனைகளின்படி உருவாக்கப்பட்டது. இந்த பைக்கில் 159.7 சிசி சிங்கிள் சிலிண்டர் இன்ஜின் பயன்படுத்தப்பட்டு இருக்கிறது. கார்புரேட்டர் இன்ஜின் அதிகபட்சமாக 16.28 பிஎச்பி பவரையும், பியூவல் இன்ஜெக்க்ஷன் சிஸ்டம் இன்ஜின் அதிகபட்சமாக 16.56 பிஎச்பி பவரையும் வெளிப்படுத்தும். இந்த பைக்கில் 5 ஸ்பீடு கியர்பாக்ஸ் இணைக்கப்பட்டு இருக்கிறது.

இதன் ரகத்தில் மிகச்சிறந்த செயல்திறன் பைக் என்பதைவிட, அற்புதமான ஓட்டுதல் அனுபவத்தை வழங்கும் பைக் மாடலாக கூறலாம். தொழில்நுட்ப அம்சங்களிலும் சிறந்த மாடலாக கூறலாம். சுஸுகி ஜிக்ஸெர், ஹோண்டா சிபி ஹார்னெட், யமஹா எப்இசட் வி3.0, பஜாஜ் பல்சர் என்எஸ்160 ஆகிய போட்டியாளர்களுக்கு இணையாக இப்போது ஏபிஎஸ் பிரேக்கிங் சிஸ்டத்துடன் டிவிஎஸ் அப்பாச்சி 160 பைக் வந்துவிட்டதால், முக்கிய தேர்வாக மாறி இருக்கிறது. இந்த  மாடலுக்கு ரூ.98,644 எக்ஸ்ஷோரூம் விலையாக நிர்ணயிக்கப்பட்டு இருக்கிறது.  சாதாரண மாடலைவிட ரூ.6,999 கூடுதல் விலையில் வந்துள்ளது. இந்த மாடலுக்கு முன்பதிவு துவங்கப்பட்டுவிட்டது. அடுத்த சில வாரங்களில்  கார்புரேட்டர் மாடலிலும் ஏபிஎஸ் பிரேக்கிங் சிஸ்டம் அறிமுகம் செய்யப்பட  இருக்கிறது.


மேலும் செய்திகள்

Like Us on Facebook Dinkaran Daily News
  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

  • 13-11-2019

    13-11-2019 இன்றைய சிறப்பு படங்கள்

  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

படங்கள் வீடியோ கல்வி சினிமா ஜோ‌திட‌ம்