SUN குழுமத்திலிருந்து வெளிவரும் காலை நாளிதழ்

பொது இடங்களை ஆக்கிரமித்து 3,168 வழிபாட்டு தலங்கள் கட்டப்பட்டுள்ளன: தமிழக அரசு நீதிமன்றத்தில் அறிக்கை தாக்கல்

2019-02-22@ 17:44:04

சென்னை: தமிழகம் முழுவதும் பொது இடங்கள், நீர்நிலைகளை ஆக்கிரமித்து 3,168 வழிபாட்டு தலங்கள் கட்டப்பட்டுள்ளன என்று தமிழக அரசு தெரிவித்துள்ளது. ஆக்கிரமிப்பு தொடர்பாக தமிழக அரசு உயர்நீதிமன்றத்தில் தாக்கல் செய்த அறிக்கையில் தகவல் அளிக்கப்பட்டுள்ளது.

தமிழகம் முழுவதும் மாநகராட்சி, நகராட்சி, பேரூராட்சிகள் உள்ளிட்ட இடங்களில் உள்ள அரசு நிலங்கள், நீர்நிலைகள் மற்றும் நீர்வழித்தடங்கள் உள்ளிட்டவைகளை ஆக்கிரமித்து 3,168 வழிபாட்டு தலங்கள் கட்டப்பட்டுள்ளதாக தமிழக அரசு சென்னை உயர்நீதிமன்றத்தில் அறிக்கை தாக்கல் செய்துள்ளது. கோவை வருவாய் கோட்டாட்சியர் அலுவலகத்தில் அனுமதியின்றி கட்டப்பட்டுள்ள விநாயகர் சிலையை அகற்றவேண்டும் என கோரியும் அரசு நிலங்கள் மற்றும் பொது சாலைகள் ஆக்கிரமித்து வழிபாட்டு தலங்கள் கட்டக்கூடாது என்ற அரசு உத்தரவை பின்பற்ற கோரி சென்னை உயர்நீதிமன்றத்தில் வழக்கு தொடரப்பட்டது.

இந்த வழக்கின் மீதான விசாரணையில், கடவுளாக இருந்தாலும் ஆக்கிரமிப்பு செய்ய முடியாது எனவும் மேலும் அரசு நிலங்கள், புறம்போக்கு நிலங்கள், நீர்நிலைகள் மற்றும் நீர் வழித்தடங்கள் உள்ளிட்டவைகளை ஆக்கிரமித்து கட்டப்பட்டுள்ள வழிபாட்டு தலங்கள் குறித்த அறிக்கையை தாக்கல் செய்யும் படி தமிழக அரசுக்கு உத்தரவிடப்பட்டது.

இந்நிலையில் இன்று தாக்கல் செய்யப்பட்ட அறிக்கையில் தமிழகம் முழுவதும் 3003 கோவில்களும், 131 சர்ச்சுகளும், 27 மசூதிகளும், பிற மதத்தை சேர்ந்த 7 வழிபாட்டு தலங்களும் என மொத்தமாக 3168 வழிபாட்டு தலங்கள் பொது இடங்களில் ஆக்கிரமித்திருப்பதாகவும் அறிக்கை தாக்கல் செய்யப்பட்டுள்ளது. இதனையடுத்து வழக்கின் விசாரணையை ஒத்திவைத்து நீதிமன்றம் உத்தரவிட்டுள்ளது.


மேலும் செய்திகள்

Like Us on Facebook Dinkaran Daily News
  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

  • nevadaarea11

    அமெரிக்காவில் ஏலியன் நடமாடும் மர்ம இடம் என்றழைக்கப்படும் ஏரியா-51ல் குவியும் ஆர்வலர்கள்!

படங்கள் வீடியோ கல்வி சினிமா ஜோ‌திட‌ம்