SUN குழுமத்திலிருந்து வெளிவரும் காலை நாளிதழ்

சென்னையில் தனியார் குடோனில் 18 கிலோ தங்கம், எலக்ட்ரானிக் பொருட்கள் பறிமுதல்: 11 பேர் கைது

2019-02-22@ 12:54:45

சென்னை: சென்னை மண்ணடியில் தனியார் கிடங்கில் இருந்து 18 கிலோ தங்கம், எலக்ட்ரானிக் பொருட்கள் பறிமுதல் செய்யப்பட்டுள்ளது. வெளிநாட்டில் இருந்து விமானம் மூலம் எலக்ட்ரானிக் பொருட்களில் தங்கத்தை மறைத்து கடத்தியது கண்டுபிடிக்கப்பட்டுள்ளது. ஹாஜா, மாலிக், அபு உட்பட 11 பேரை பிடித்து வருவாய் புலனாய்வு துறை அதிகாரிகள் விசாரணை நடத்தி வருகின்றனர்.

அரபு நாடுகளில் இருந்து விமானம் மூலம் தங்கம் கடத்தி வருவதாக வருவாய் புலனாய்வு அதிகாரிகளுக்கு ரகசிய தகவல் கிடைத்தது. அதன் அடிப்படையில் நேற்று காலை முதலே தொடர்ந்து வருவாய் புலனாய்வு துறை அதிகாரிகள் தீவிர கண்காணிப்பில் ஈடுபட்டிருந்தனர். இந்நிலையில் சென்னை விமான நிலையத்தில் இருந்து கார் மூலம் கொண்டுவந்து சென்னை மண்ணடி பகுதியில் உள்ள ஹாஜா என்பவருக்கு சொந்தமான குடோனில் கிட்டத்தட்ட 18 கிலோ தங்கம் மற்றும் பலகோடி ரூபாய் மதிப்புள்ள எலக்ட்ரானிக் பொருட்கள் பதுக்கி வைக்கப்பட்டிருப்பதாக வருவாய் புலனாய்வு துறை அதிகாரிகளுக்கு உறுதியான தகவல் கிடைத்தது. இதையடுத்து அந்த குடோனில் இன்று காலை அதிரடியாக சோதனை செய்து அங்கிருந்த தங்கம் மற்றும் எலக்ட்ரானிக் பொருட்களை பறிமுதல் செய்தனர். இந்த குடோன் உரிமையாளர் ஹாஜா, மாலிக், அபு உட்பட 11 பேரை கைது செய்து விசாரணை நடத்தி வருகின்றனர். அவர்களிடம் நடத்திய முதற்கட்ட விசாரணையில் சென்னை விமான நிலையத்தில் சுங்கத்துறை அதிகாரிகள் இருவர் இவர்களுக்கு உதவியாக இருந்தது தெரியவந்தது. இதையடுத்து சுங்கத்துறை உயரதிகாரிகளும் தற்போது விசாரணையில் ஈடுபட்டு வருகிறார்கள்.


மேலும் செய்திகள்

Like Us on Facebook Dinkaran Daily News
  • 24-05-2019

    24-05-2019 இன்றைய சிறப்பு பாடங்கள்

  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

படங்கள் வீடியோ கல்வி சினிமா ஜோ‌திட‌ம்