SUN குழுமத்திலிருந்து வெளிவரும் காலை நாளிதழ்

கோவையில் கூரியர் பார்சலில் அனுப்பிய 725 பவுன் நகை கொள்ளையில் பெண் ஊழியர் உட்பட 6 பேர் கைது: தனிப்படை போலீஸ் மடக்கியது

2019-02-22@ 04:06:46

கோவை: கோவையில், 725 பவுன் தங்க நகை கொள்ளை போன வழக்கில் பெண் உள்பட 6 பேர் கைது செய்யப்பட்டனர்.கோவை தியாகராயநகர் புதுவீதியை சேர்ந்தவர் நாவல் மொரீசா (46). இவர், கோவை மில் ரோட்டில் ‘ஏர் பார்சல்’ என்ற பெயரில் கூரியர் நிறுவனம் நடத்தி  வருகிறார். இவருடைய நிறுவனத்தில் ராஜஸ்தானை சேர்ந்த பிரதீவ் சிங்(26) உள்பட 5 பேர் பணி புரிந்து வருகிறார்கள். கோவை பீளமேடு விமான நிலையத்தில் இருந்து தினமும் காலை 7 மணிக்கு சரக்கு விமானம் புறப்பட்டு செல்கிறது. இந்த விமானத்தில் நாவல் மொரீசாவின்  கூரியர் மூலம் கோவை வியாபாரிகள் தங்கத்தை விற்பனைக்கு அனுப்புவது வழக்கம். கோவையில் உள்ள 15 நகை வியாபாரிகள், மும்பையில் புதிதாக திறக்கப்படும் ஷோரூமுக்கு ரூ.2 கோடி மதிப்பிலான 5798.64 கிராம் தங்கம் (725 பவுன்) மற்றும்  124.88 காரட் வைர நகைகளை நாவல் மொரீசாவின் கூரியர் நிறுவனத்துக்கு அனுப்பினர். இந்த நகை பார்சலை கடந்த 7ம் தேதி கூரியர் நிறுவன ஊழியர் பிரதீவ்  சிங் ஸ்கூட்டரில் வைத்து கொண்டு கோவை விமான நிலையம் நோக்கி சென்றார்.

அவிநாசி ரோடு சர்தார் வல்லபாய் பட்டேல் கல்லூரி அருகே காலை 5.40 மணிக்கு சென்றபோது, அவரை பின் தொடர்ந்து பைக்கில் வந்த 3 மர்ம ஆசாமிகள், அவர்  மீது மிளகாய் பொடி தூவி பார்சலை பறித்து கொண்டு சென்றனர். இதுகுறித்து கூரியர் நிறுவன உரிமையாளர் மொரீசா பீளமேடு போலீசில் புகார் செய்தார். இதன்பேரில், போலீசார் தனிப்படை அமைத்து விசாரித்து வந்தனர்.  இதில், கொள்ளையர்கள் வடவள்ளியை சேர்ந்தவர்கள் என தெரியவந்தது. ஆனால், அப்பகுதியில் அவர்கள் தங்கியிருந்த வீடு பூட்டி கிடந்தது.  இந்நிலையில், நேற்று காலை தொண்டாமுத்தூரில் கொள்ளையர்கள் பதுங்கியிருக்கும் தகவல் தனிப்படை போலீசாருக்கு தெரியவந்தது. போலீசார் விரைந்து  சென்று அவர்களை சுற்றி வளைத்தனர். அப்போது, கார்த்திக், தினகரன், அவருடைய மனைவி பிரவீணா, ஷெல்டன், மோகன்ராஜ், வெங்கடேஷ் ஆகிய 6 பேர்  கைது செய்யப்பட்டனர். இவர்கள், கோவையை சேர்ந்தவர்கள் ஆவர். இவர்களை தனிப்படை போலீசார் ரகசிய இடத்தில் வைத்து விசாரணை செய்து வருகின்றனர்.

 இதுகுறித்து கோவை போலீஸ் கமிஷனர் சுமித் சரண் நேற்று நிருபர்களிடம் கூறும்போது, `பிடிபட்டவர்களில் தினகரன் மனைவி பிரவீணா, கூரியர் பார்சல்  சர்வீஸ் நிறுவனத்தில் கணக்காளராக பணியாற்றி வந்தார். அவர் கொடுத்த தகவலின் படி, அவருடைய கணவர் தினகரன் தனது நண்பர்களுடன் சேர்ந்து  கொள்ளை சம்பவத்தை அரங்கேற்றி உள்ளார். ஒரு மாதத்திற்கு முன்பே, கூரியர் நிறுவன ஊழியர்கள் தினமும் காலை எத்தனை மணிக்கு தங்கத்தை எடுத்து  செல்கிறார்கள், அவர்களை எந்த இடத்தில் மடக்கி தங்கத்தை கொள்ளையடிக்கலாம் என்பது குறித்து திட்டம் தீட்டினர். இதையடுத்து, பெண் ஊழியர் உள்பட 6  குற்றவாளிகள் பிடிபட்டனர். அவர்களிடம் விசாரணை நடந்து வருகிறது’ என்று கூறினார்.


மேலும் செய்திகள்

Like Us on Facebook Dinkaran Daily News
  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

  • nevadaarea11

    அமெரிக்காவில் ஏலியன் நடமாடும் மர்ம இடம் என்றழைக்கப்படும் ஏரியா-51ல் குவியும் ஆர்வலர்கள்!

படங்கள் வீடியோ கல்வி சினிமா ஜோ‌திட‌ம்