SUN குழுமத்திலிருந்து வெளிவரும் காலை நாளிதழ்

மாநில வாலிபால் சங்கம் புதிய போட்டி நடத்த தடை

2019-02-22@ 04:03:29

சென்னை: தமிழ்நாடு மாநில வாலிபால் சங்கம் புதிய போட்டிகளை நடத்த சென்னை உயர் நீதிமன்றம் இடைக்கால தடை விதித்துள்ளது. சென்னை உயர் நீதிமன்றத்தில் விருதுநகர் மாவட்ட வாலிபால் சங்க தலைவர் துரைசிங் தாக்கல் செய்த மனுவில் கூறியிருப்பதாவது: தமிழ்நாடு வாலிபால் சங்க நிர்வாகிகள் பதவிக்காலம் கடந்த ஆண்டு ஜூன் மாதம் நிறைவடைந்தது.  கடந்த ஆண்டு டிசம்பர் 3ம் தேதி சங்க பொதுக்குழு கூடி,  தேர்தலை நடத்த 10 பேர் கொண்ட இடைக்கால கமிட்டி அமைக்கப்பட்டது. அந்த கமிட்டி தன்னிச்சையாக செயல்படுகிறது. எனவே, உயர் நீதிமன்ற ஓய்வு பெற்ற  நீதிபதி தலைமையில் சங்கத்தின் தேர்தலை நடத்தி புதிய நிர்வாகிகளை தேர்வு செய்யுமாறு உத்தரவிட வேண்டும்.இவ்வாறு மனுவில் கூறப்பட்டுள்ளது.

இந்த மனு நீதிபதி ஆர்.சுரேஷ்குமார் முன்னிலையில் விசாரணைக்கு வந்தது. வழக்கை விசாரித்த நீதிபதி, மறு உத்தரவு பிறப்பிக்கும் வரை இடைக்கால கமிட்டி  புதிதாக வாலிபால் போட்டி எதுவும் நடத்தக்கூடாது. அதேபோன்று, எந்தவித கூட்டமும் நடத்தக்கூடாது. அதே நேரத்தில் பிப்ரவரி 16 முதல் 22 வரை நடத்தப்பட்டு  வரும் போட்டிகளுக்கு இந்த உத்தரவு பொருந்தாது. வழக்கு விசாரணை 26ம் தேதிக்கு தள்ளிவைக்கப்படுகிறது. அன்றைய தினம் இடைக்கால கமிட்டி பதில் மனு  தாக்கல் செய்ய வேண்டும் என்று உத்தரவிட்டார்.


மேலும் செய்திகள்

Like Us on Facebook Dinkaran Daily News
  • 19-02-2020

    19-02-2020 இன்றைய சிறப்பு படங்கள்

  • award20

    விளையாட்டின் ஆஸ்கர் எனப்படும் லாரியஸ் விருதை கைப்பற்றிய சச்சின் டெண்டுல்கர்!!

  • tenish2020

    டென்னிஸ் புயலால் வெள்ளக்காடாகிய இங்கிலாந்து நகரங்கள்...மக்களின் இயல்பு வாழ்க்கை முடக்கம்

  • america20201

    இந்தியாவிற்கு வருகை புரியும் அமெரிக்க அதிபர் டிரம்ப் கண்ணில் படாமல் இருக்க சுவர் கட்டி மறைக்கப்படும் குஜராத் குடிசைப்பகுதி

  • mumbai fire20

    மும்பையில் ஜிஎஸ்டி பவனில் 8 மாடி கட்டிடத்தில் பயங்கர தீ விபத்து

படங்கள் வீடியோ கல்வி சினிமா ஜோ‌திட‌ம்