SUN குழுமத்திலிருந்து வெளிவரும் காலை நாளிதழ்

விளையாட்டு வீரர்களுக்கு உதவித் தொகை மார்ச் 12ம் தேதிக்குள் விண்ணப்பிக்க வேண்டும்

2019-02-22@ 00:23:16

சென்னை: இந்திய அளவிலான விளையாட்டுப் போட்டிகளில் பதக்கம் வென்ற பள்ளி, கல்லூரி மாணவர்கள் விளையாட்டு வீரர்களுக்கான ஊக்க உதவித் தொகை பெற மார்ச் 12ம் தேதிக்குள் விண்ணப்பிக்க வேண்டும். இது குறித்து தமிழ்நாடு விளையாட்டு மேம்பாட்டு ஆணையம் வெளியிட்டுள்ள செய்திக் குறிப்பு: தமிழகத்தில் உள்ள உயர்நிலை, மேனிலைப்பள்ளிகளில், கல்லூரிகளில் படிக்கும் தலை சிறந்த விளையாட்டு வீரர்கள், வீராங்கனைகளுக்கு தமிழக அரசு ஊக்க உதவித் தொகை வழங்கி வருகிறது. சம்பந்தப்பட்ட மாணவர்கள், மாணவிகள் இந்திய அளவிலான தனிநபர் போட்டியில் முதல் 3 இடங்களிலும், குழுப் போட்டியாக இருந்தால் முதல் 2 இடங்களிலும் வென்றவர்கள் மட்டுமே இந்த உதவித் தொகை பெற தகுதியானவர்கள். இந்தப் போட்டிகள் அனைத்தும் 1-7-2017 முதல் 30-6-2018ம் தேதிக்குள் நடைப்பெற்றிருக்க வேண்டும்.

தகுதியுள்ள பள்ளி மாணவ,மாணவிகளுக்கு ஆண்டுக்கு தலா 10 ஆயிரம் ரூபாயும், கல்லூரி மாணவ, மாணவிகளுக்கு ஆண்டுக்கு தலா 13 ஆயிரம் ரூபாயும் ஊக்க உதவித் தொகையாக வழங்கப்படும். ஒருவர் ஒரு விளையாட்டின் கீழ் மட்டுமே விண்ணப்பிக்க முடியும். மேலும் தகவல் அறியவும், விண்ணப்பங்களை பதிவிறக்கம் செய்யவும் தமிழ்நாடு விளையாட்டு மேம்பாட்டு ஆணையத்தின் www.sdat.tn.gov.in என்ற இணையதளத்தை பார்க்கவும். தலைமை அலுவலகத்தின் 044-28364322 என்ற தொலைபேசி எண்ணையும் தொடர்பு கொள்ளலாம். விண்ணப்பிக்க கடைசிநாள் 12-3-2019.


மேலும் செய்திகள்

Like Us on Facebook Dinkaran Daily News
  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

  • nevadaarea11

    அமெரிக்காவில் ஏலியன் நடமாடும் மர்ம இடம் என்றழைக்கப்படும் ஏரியா-51ல் குவியும் ஆர்வலர்கள்!

படங்கள் வீடியோ கல்வி சினிமா ஜோ‌திட‌ம்