SUN குழுமத்திலிருந்து வெளிவரும் காலை நாளிதழ்

கார்ப்பொரேஷன் வங்கிக்கு ரூ.9,086 கோடி 12 வங்கிகளுக்கு ரூ.48,239 கோடி நிதி: நிதிச்சேவைகள் செயலாளர் தகவல்

2019-02-21@ 01:33:43

புதுடெல்லி: வராக்கடன் உள்ளிட்டவற்றால் பொதுத்துறை வங்கிகளின் நிதி நிலை மிகுந்த தள்ளாட்டத்தில் உள்ளது. இவற்றை மீட்க மத்திய அரசு மறு மூலதன நிதி அளிக்கிறது. கடந்த ஆண்டு டிசம்பர் மாதத்தில் பொதுத்துறை வங்கிகளுக்கு மறு சீரமைப்பு பத்திரங்கள் மூலம் ரூ.28,615 கோடி வழங்கப்பட்டது. இந்நிலையில் தற்போது 12 பொதுத்துறை வங்கிகளுக்கு நிதி வழங்கப்படுகிறது. இதுகுறித்து மத்திய அரசின் நிதிச்சேவைகள் துறை செயலாளர் ராஜீவ் குமார் கூறியதாவது: நடப்பு நிதியாண்டில் 12 பொதுத்துறை வங்கிகளுக்கு அவற்றின் மூலதன தேவை மற்றும் நிதி வளர்ச்சி திட்டங்களுக்காக ரூ.48,239 கோடியை மத்திய அரசு வழங்க முடிவு செய்துள்ளது.


 இதில் சிறந்த செயல்பாட்டில் உள்ள கார்ப்பொரேஷன் வங்கிக்கு ரூ.9,086 கோடி, அலகாபாத் வங்கிக்கு ரூ.6,896 கோடி வழங்கப்படுகிறது. இதுபோல் ரிசர்வ் வங்கியின் பிசிஏ நடவடிக்கையில் இருந்து விலக்கப்பட்ட, கண்காணிப்பில் உள்ள வங்கிகளுக்கு அதற்கு ஏற்ப நிதி ஒதுக்கீடு செய்யப்பட்டுள்ளது என்றார். வங்கிகளில்  சிறந்த நிதி ஆரோக்கியத்தை பராமரிக்க உடனடி சரிசெய்யும் நடவடிக்கை (பிசிஏ) கட்டமைப்பை இந்திய ரிசர்வ் வங்கி ஏற்படுத்தியுள்ளது. முதலீடு, சொத்து, லாபம் ஈட்டும் தன்மை போன்றவற்றில் அபாய நிலையை எட்டும்போது சரிபார்ப்பு நடவடிக்கையை ரிசர்வ் வங்கி மேற்கொள்கிறது.


மேலும் செய்திகள்

Like Us on Facebook Dinkaran Daily News
  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

  • nevadaarea11

    அமெரிக்காவில் ஏலியன் நடமாடும் மர்ம இடம் என்றழைக்கப்படும் ஏரியா-51ல் குவியும் ஆர்வலர்கள்!

படங்கள் வீடியோ கல்வி சினிமா ஜோ‌திட‌ம்