SUN குழுமத்திலிருந்து வெளிவரும் காலை நாளிதழ்

Satya Summer Offer

ஓசூர் அருகே காவல்துறை மீது கல்வீச்சு: மஞ்சு விரட்டு நிகழ்ச்சியை தடுத்ததால் பொதுமக்கள் ஆத்திரம்

2019-02-20@ 17:51:57

கிருஷ்ணகிரி: ஒசூர் அருகே மதகொண்டப்பள்ளியில் மஞ்சு விரட்டு நிகழ்ச்சிக்கு அனுமதி மறுக்கப்பட்டதால், ஆத்திரமடைந்த பொதுமக்கள் போலீஸ் வாகனம் மீது தாக்குதல் நடத்தினர். இதனால் காவல்துறைக்கும் பொதுமக்களுக்கும் இடையே மோதல் ஏற்பட்டுள்ளது. மேலும் அந்த பகுதியில் பரபரப்பு நிலவுவதால் காவல்துறையினர் அதிக அளவில் குவிக்கப்பட்டுள்ளனர். ஓசூரை அடுத்த மதகொண்டப்பள்ளி பஸ்கர வெங்கடரமண சுவாமி கோவில் தேர்த் திருவிழா நேற்று நடைபெற்றது. அதனை முன்னிட்டு அப்பகுதியில் இன்று எருது விடும் விழா நடைபெற்றது. இந்த விழாவில் தமிழகம், கர்நாடகா, ஆந்திரா ஆகிய 3 மாநிலங்களிலிருந்து கொண்டுவரப்பட்ட ஆயிரத்திற்கும் மேற்பட்ட காளைகள் அவிழ்த்துவிடப்பட்டன. வண்ண தோரணங்கள், பலூன்கள், அலங்கார தட்டிகள் கட்டப்பட்ட காளைகள் கூட்டத்தின் நடுவே சீறிப்பாய்ந்தன. காளைகளை அடக்கிய வீரர்களுக்கு பரிசுகள் வழங்கப்பட்டு வந்தது.

இந்த விழாவை காண 5 ஆயிரத்திற்கும் மேற்பட்ட மக்கள் அப்பகுதியில் திரண்டனர். இந்த நிலையில், எருது விடும் நிகழ்ச்சிக்கு முறையான அனுமதி பெறவில்லை என கூறப்படுகிறது. இதையடுத்து, அங்கு வந்த போலீசார், எருது விடும் விழாவை நிறுத்திவிட்டு கலைந்து செல்ல வலியுறுத்தியுள்ளனர். இதனால் இருதரப்புக்கும் இடையே மோதல் ஏற்பட்டது. இதையடுத்து, ஆத்திரம் அடைந்த பொதுமக்கள், போலீசார் மீது கற்களை வீசினர். மேலும் காவல்துறை வாகனத்தையும் அடித்து நொறுக்கினர். இந்த சம்பவத்தால் காவல்துறை அதிகாரிகள் சிலர் காயம் அடைந்தனர். இதனை தொடர்ந்து தடியடி நடத்தி காவல்துறையினர் கூட்டத்தைக் கலைத்துள்ளனர். இந்த சம்பவம் தொடர்பாக, சுமார் 50 பேரின் இருசக்கர வாகனங்களை பறிமுதல் செய்த போலீசார் அவர்கள் மீது வழக்கு பதிவு செய்துள்ளனர்.


மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்