SUN குழுமத்திலிருந்து வெளிவரும் காலை நாளிதழ்

பெங்களுருவில் சர்வதேச விமான கண்காட்சி 2019: ராணுவ வீரர்களின் மறைவுக்கு அஞ்சலி செலுத்தும் வகையில் சாகசம்

2019-02-20@ 14:43:25

பெங்களூரு: கர்நாடக மாநிலம் பெங்களுருவில் விமான சாகச கண்காட்சியின் முதல் நாளான இன்று பல்வேறு சாகச நிகழ்ச்சிகள் நடைபெற்றது. பிரான்சில் இருந்து வந்திருக்கும் ரபேல் விமானமும் இந்த சாகசத்தில் ஈடுபட்டுள்ளது குறிப்பிடத்தக்கது. கர்நாடக மாநிலம் பெங்களூருவில் இரு ஆண்டுகளுக்கு ஒருமுறை ஆசியாவிலயே மிகப் பெரிய போர் விமானங்கள் கண்காட்சி நடைபெறும். அதன்படி, இந்த முறை பெங்களூரு எலஹங்கா விமானப்படை தளத்தில் இன்று முதல் பிப்.24ம் தேதி வரை 12-வது முறையாக நடைபெற்று வருகிறது. இந்த ஏரோ ஷோ கண்காட்சியில் 403 விமான நிறுவனங்களும், 61 போர் விமானங்களும் பங்கேற்றுள்ளன. ஏரோ இந்திய விமானக் கண்காட்சி நிகழ்ச்சியில் நடைபெற்ற விமான சாகச நிகழ்ச்சிகள் பார்வையாளர்களை வெகுவாக கவர்ந்தன.

மத்திய பாதுகாப்புத்துறை அமைச்சர் நிர்மலா சீதாராமன் இந்த நிகழ்ச்சியை தொடங்கி வைத்து, விமான சாசகங்களை நேரில் பார்வையிட்டார். விழாவில் கர்நாடக முதலமைச்சர் குமாரசாமி உள்பட மந்திரிகள் பலர் கலந்து கொண்டனர். அதில், முன்னாள் பிரதமர் வாஜ்பாய் மற்றும் ராணுவ வீரர்களின் மறைவுக்கு அஞ்சலி செலுத்தும் வகையில் தாழப் பறந்தும் விமானங்கள் சாகசங்களில் ஈடுபட்டன. இந்த கண்காட்சியில் 403 விமான உற்பத்தி நிறுவனங்கள் கலந்துகொள்ள முன்பதிவு செய்திருந்தது. அந்த நிறுவனங்கள் தங்களின் உற்பத்தி குறித்து அரங்குகளை அமைத்துள்ளன. இந்த நிறுவனங்களுக்கான அரங்குகளை அமைக்க 28 ஆயிரத்து 398 சதுர மீட்டர் இடம் ஒதுக்கப்பட்டுள்ளது. அமெரிக்கா, இங்கிலாந்து, ரஷியா, உக்ரைன், சவுதி அரேபியா, ஜெர்மனி, இத்தாலி, இஸ்ரேல் உள்பட 30-க்கும் மேற்பட்ட நாடுகளின் விமான உற்பத்தி நிறுவனங்கள் கலந்து கொண்டுள்ளன.


மேலும் செய்திகள்

Like Us on Facebook Dinkaran Daily News
  • 12-11-2019

    16-11-2019 இன்றைய சிறப்பு படங்கள்

  • jet15

    1 மணி நேரத்தில் 86 மைல் தூரத்தை கடந்து உலக சாதனை படைத்த ஜெட் மேன்: புகைப்படங்கள்

  • amgun

    அமெரிக்கா பள்ளியில் மர்மநபர் சரமாரி துப்பாக்கி சூடு: 2 மாணவர்கள் உயிரிழப்பு

  • zimbabwe_elephant111

    ஜிம்பாப்வேயில் வரலாறு காணாத கடும் வறட்சி : 200 யானைகள் உள்பட நூற்றுக்கணக்கான வனவிலங்குகள் உயிரிழப்பு

  • peru_kovilll11

    பெருநாட்டில் பூமிக்கு அடியில் புதையுண்டு கிடந்த 3000 ஆண்டுகால பழமை வாய்ந்த 21 கோபுரங்களுடன் கூடிய ஆலயம் கண்டுபிடிப்பு

படங்கள் வீடியோ கல்வி சினிமா ஜோ‌திட‌ம்