SUN குழுமத்திலிருந்து வெளிவரும் காலை நாளிதழ்

அமெரிக்காவில் இந்திய வம்சாவளி பெண் சுட்டுக்கொலை: கணவன் தற்கொலை

2019-02-20@ 00:21:14

ஹூஸ்டன்: அமெரிக்காவின் டெக்சாஸ் மாகாணத்தில் உள்ள சுகர்லேண்ட் பகுதியில் இந்தியாவை சேர்ந்த சீனிவாஸ் நாகிரேகந்தி (51), சாந்தி (46) தம்பதி  வசித்து வந்தனர். சீனிவாஸ், மின்சார நிறுவனம் ஒன்றில்   இயக்குனராகவும், சாந்தி மற்றொரு நிறுவனத்தில் கம்ப்யூட்டர் புரோக்கிராமராகவும் பணியாற்றி வந்தனர். இவர்களுக்கு 16 வயதில் ஒரு மகளும், 21 வயதில் ஒரு மகனும் உள்ளனர். மகன் டெக்சாஸ் பல்கலை கழகத்தில் படித்து  வருகிறார். இந்நிலையில், நேற்று முன்தினம் காலை தம்பதி  இருவரும் துப்பாக்கி குண்டு காயங்களுடன் வீட்டில் இறந்து கிடப்பதாக போலீசுக்கு தகவல் வந்தது. இதையடுத்து சம்பவ இடத்திற்கு விரைந்து வந்த போலீசார்  உடல்களை ஆய்வு செய்தனர். சாந்திக்கு தலையில் துப்பாக்கி குண்டு பாய்ந்து இருந்தது. படுக்கை அறையில் சீனிவாஸ் நெஞ்சில் துப்பாக்கி குண்டு பாய்ந்த நிலையில் இறந்து கிடந்தார். அவர் அருகே துப்பாக்கி ஒன்று கிடந்தது.  இது தொடர்பாக போலீஸ் நடத்திய விசாரணையில் சாந்தியை துப்பாக்கியால் சுட்டுக் கொன்ற சீனிவாஸ், பின்னர் தன்னை தானே சுட்டுத் தற்கொலை செய்தது தெரிய வந்தது. மற்றொரு அறையில் மகள் தூங்கி  கொண்டிருந்ததால் அவர் உயிர் தப்பினார். இந்த சம்பவம் பற்றி போலீசார் விசாரித்து வருகின்றனர்.


மேலும் செய்திகள்

Like Us on Facebook Dinkaran Daily News
  • 19-07-2019

    19-07-2019 இன்றைய சிறப்பு படங்கள்

  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 33 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

படங்கள் வீடியோ கல்வி சினிமா ஜோ‌திட‌ம்