SUN குழுமத்திலிருந்து வெளிவரும் காலை நாளிதழ்

எனி டெஸ்க் செயலி மூலமாக வங்கி கணக்கில் பணம் திருட்டு

2019-02-20@ 00:05:38

மும்பை: மொபைல் போனில் ரிமோட் அக்சஸ் செயலியை பதிவிறக்கம் செய்வதன் மூலமாக வங்கி கணக்கில் இருந்து பணம் திருடப்படும் அபாயம் உள்ளதாக எச்சரிக்கப்பட்டுள்ளது. பெங்களூரை சேர்ந்தவர் நாராயண் ஹெக்டே. இவர் சிண்டிகேட் வங்கியில் பணியாற்றி ஓய்வு பெற்றவர். இவர் இ வாலட் பயன்பாட்டாளர். இதனை தனது புதிய மொபைலில் பதிவிறக்கம் செய்ய அவருக்கு உதவி தேவைப்பட்டுள்ளது. இதனால் மொபைல் வாலட்  உதவி எண்ணில் தேடியபோது “எனி டெஸ்க்” என்ற ஆப்பை பதவிறக்கம் செய்து கொள்ளும்படி காட்டியுள்ளது. இதனையடுத்து அவர் தனது செல்போனில் எனி டெஸ்க்’ ஆப்பை டவுன்லோடு செய்துள்ளார். அப்போது அந்த செயலி போனில் சில தகவல்களை பயன்படுத்திக் கொள்ள அனுமதிகளை கேட்டுள்ளது. நாராயணும் அதற்கு சரி என்று ஒப்புதல் அளித்துள்ளார்.

இந்நிலையில் அவரது வங்கி கணக்கில் இருந்து ரூ1 லட்சம் எடுக்கப்பட்டுள்ளது. இது தொடர்பாக அவர் வங்கியை தொடர்பு கொண்டு விவரங்களை கேட்டுள்ளார். அப்போது, யூபிஐ எனப்படும் செயலியின் வங்கி பணபரிமாற்ற சேவை மூலமாக  பணம் மாற்றப்பட்டுள்ளதாக வங்கி அதிகாரிகள் தெரிவித்துள்ளனர். இதனை தொடர்ந்து உஷாரான நாராயண் மேற்கொண்டு பணபரிவர்த்தனை செய்ய இயலாதபடி தடுத்துள்ளார். செயலியை பயன்படுத்தி 5 பரிவர்த்தனைகள் மூலமாக ரூ1.24 லட்சத்தை வங்கி கணக்கில் இருந்து எடுக்க திட்டமிட்டுள்ளனர். ஆனால் இரண்டு பரிவர்த்தனைகளிலேயே நாராயணன் இதனை கண்டறிந்து தடுத்துள்ளார். எனினும் அவரது ரூ1 லட்சம் பறிபோனது. “எனி டெஸ்க்” செயலியானது போன் மூலமாக மற்ற மொபைல் அல்லது கணிணியை இருந்த இடத்தில் இருந்து கட்டுப்படுத்தும் செயலியாகும்.

இந்த சம்பவத்தை தொடர்ந்து யூபிஐ மூலம் பணப்பரிவர்த்தனை செய்யும் வாடிக்கையாளர்களின் வங்கி கணக்கில் இருந்து பணம் திருடப்பட வாய்ப்புள்ளதாக அனைத்து வங்கிகளுக்கும் ரிசர்வ் வங்கி எச்சரிக்கை விடுத்துள்ளது. ஆர்பிஐ அனுப்பிய சுற்றறிக்கையில், எனி டெஸ்க் செயலியை பயன்படுத்தும்போது அதில் தரப்படும் அனுமதியை கொண்டு அந்த மொபைலை கட்டுப்பாட்டில் எடுத்து சம்பந்தப்பட்ட நபரின் வங்கி கணக்கில் உள்ள பணத்தை மொத்தமாக எடுத்துவிட வாய்ப்புள்ளது. அதிகரித்து வரும் டிஜிட்டல் பணபரிமாற்றத்தில் இதுபோன்ற மோசடி செயலிகளிடம் இருந்து எச்சரிக்கையாக இருக்க வேண்டும்’ என்று அறிவுறுத்தப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்