SUN குழுமத்திலிருந்து வெளிவரும் காலை நாளிதழ்

திருச்சி முக்கொம்பில் ரூ.387.60 கோடியில் புதிய கதவணை அமைக்க முதல்வர் அடிக்கல்

2019-02-19@ 19:30:29

சென்னை: திருச்சி மாவட்டம் முக்கொம்பு மேலணையில் ரூ.387.60 கோடியில் புதிய கதவணை கட்ட தமிழக முதல்வர் எடப்பாடி பழனிசாமி அடிக்கல் நாட்டியுள்ளார். தலைமை செயலகத்தில் இருந்து காணொலி காட்சி மூலம் முதல்வர் அடிக்கல் நாட்டினார்.

புதிய கதவணை அமைக்கும் பணி 24 மாத காலத்தில் முடிக்கப்பட்டு பயன்பாட்டிற்கு கொண்டு வரப்படும் என்று தெரிவிக்கப்பட்டுள்ளது.  கடந்த ஆகஸ்ட் 22-ம் தேதி முக்கொம்பு மேலணையில் உள்ள 48 மதகுகளில் 9 மதகுகள் திடீரென இடிந்து விழுந்தது. இதை தொடர்ந்து கொள்ளிடம் வழியாக தண்ணீர் அதிக அளவு வெளியேறியது. இதை தொடர்ந்து அந்த அணையில் இருந்து தண்ணீர் வெளியேறுவதை தடுக்க தற்காலிக ஏற்பாடுகளை செய்ய முதல்வர் எடப்பாடி பழனிச்சாமி உத்தரவிட்டார். அதை தொடர்ந்து ரூ.96 லட்சம் செலவில் நீர் வெளியேற்றத்தை தடுக்க தற்காலிக ஏற்பாடும் செய்யப்பட்டது.  இந்த நிலையில் கொள்ளிடத்தில் புதிய கதவணை ரூ.435 கோடி செலவில் அமைக்கப்படும் என்று முதல்வர் எடப்பாடி பழனிச்சாமி அறிவித்து இருந்தார்.

தற்போது முக்கொம்பு மேலணையில் ரூ.387.60 கோடியில் புதிய கதவணை கட்ட முதல்வர் அடிக்கல் நாட்டியுள்ளார். மேலும் முக்கொம்பு கொள்ளிடம் கதவணையை ரூ.38.85 கோடியில் பலப்படுத்தும் பணிக்கும் முதல்வர் அடிக்கல் நாட்டியுள்ளது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • 20-05-2019

    20-05-2019 இன்றைய சிறப்பு படங்கள்

  • 19-05-2019

    19-05-2019 இன்றைய சிறப்பு படங்கள்

  • 18-05-2019

    18-05-2019 இன்றைய சிறப்பு படங்கள்

  • TaiwanSameSexMarriage

    ஆசியாவில் முதல் முறையாக ஓரினச்சேர்க்கை திருமணத்திற்கு அங்கீகாரம் வழங்கிய தாய்வான்: எல்.ஜி.பி.டி.யினர் உற்சாகம்!

  • frenchpainterclaude

    பிரான்ஸ் ஓவியர் கிளாட் மொனெட்டின் வரைந்த வைக்கோல் ஓவியம் ரூ.778 கோடி ஏலம் : புகைப்படங்கள்

படங்கள் வீடியோ கல்வி சினிமா ஜோ‌திட‌ம்