SUN குழுமத்திலிருந்து வெளிவரும் காலை நாளிதழ்

புதிய வனச் சட்டத்தை ரத்து செய்ய வலியுறுத்தி நீலகிரியில் முழு அடைப்பு போராட்டம்

2019-02-19@ 12:38:38

நீலகிரி : நீலகிரியில் புதிய வன சட்டத்தை ரத்து செய்ய வலியுறுத்தி முழு கடையடைப்பு போராட்டம் நடைபெற்று வருகிறது. நீலகிரி மாவட்டத்தில் கூடலூர், பந்தலூர் பகுதியில் கடந்த 1969ம் ஆண்டு ஜென்ம ஒழிப்பு சட்டத்தின் கீழ் 98 ஆயிரம் ஏக்கர் நிலங்கள் அரசுடமையாக்கப்பட்டது. அதில் சுமார் 57 ஆயிரம் ஏக்கர் நிலங்கள் தற்போது வரை எந்த தீர்வும் செய்யப்படாமல் பரிவு 17 என்ற சட்டத்தின் கீழ் வகைப்படுத்தப்பட்ட நிலையில் உள்ளது. இதில் தோட்டங்கள், வீடுகள், விவசாய நிலங்கள் என 30 அயிரத்திற்கும் மேற்பட்ட மக்கள் வசித்து வருகின்றனர் இந்நிலையில் கடந்த இரண்டு வருடங்களுக்கு முன்னர் 17 ஆயிரம் ஏக்கர் நிலங்களை வனமாக மாற்ற உச்சநீதிமன்றம் உத்தரவிட்டது. அதன்படி மாவட்ட நிர்வாகம் நடவடிக்கை நடவடிக்கை எடுத்து வருகிறது.

இந்த நிலங்களை பிரிவு 58 என்ற சட்டத்தின் கீழ் வகைப்படுத்தப்பட்டு அதற்கான விசாரணைகள் மேற்கொண்டு வந்த நிலையில், தற்போது தமிழக அரசு கடந்த மாதம் தீர்மானமாக கொண்டு வந்து பிரிவு 16ஏ என்ற சட்டத்தின் அடிப்படையில் பிரிவு 17 நிலங்களில் உள்ள அனைத்து நிலங்களையும் உடனடியாக வனமாக மாற்ற சட்டதிருத்தம் கொண்டு வர கவர்னர் ஒப்புதலுக்கு அனுப்பி வைத்துள்ளது. இதனை கண்டித்து 2000க்கும் மேற்பட்ட கடைகளை மூடி அப்பகுதி மக்கள் போராட்டம் நடத்தி வருகின்றனர். தனியார் வாகங்களும் இயங்காததால் கூடலூர் பகுதியில் இயல்பு வாழ்க்கை முற்றிலும் பாதிக்கப்பட்டுள்ளது. இதுகுறித்து மாவட்ட நிர்வாகம் சார்பில் ஏற்கனவே நடைபெற்ற பேச்சுவார்த்தை தோல்வியில் முடிந்தது. பிரிவு 17 நிலங்களில் வசிக்கும் மக்களுக்கு பாதிப்பு ஏற்படாத வகையில் நடவடிக்கை எடுக்கப்படும் என மாவட்ட நிர்வாகம் சார்பில் அறிவிப்பு வெளியாகியுள்ளது.


மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்