SUN குழுமத்திலிருந்து வெளிவரும் காலை நாளிதழ்

போலி பாஸ்போர்ட், விசா தயாரித்த கும்பல் கைது: சென்னையை சேர்ந்தவர் உட்பட 5 பேர் ஐதராபாத்தில் சிக்கினர்

2019-02-19@ 10:26:00

ஐதராபாத்: போலி பாஸ்போர்ட் மற்றும் விசா தயாரித்த சென்னையை சேர்ந்த ஒருவர் உட்பட 5 பேர் கொண்ட கும்பலை ஐதராபாத்தில் போலீசார் கைது செய்துள்ளனர். அவர்களிடம் இருந்து 88 போலி பாஸ்போர்ட் மற்றும் விசாக்களை போலீசார் கைப்பற்றியுள்ளனர். இதனை தயாரிப்பதற்காக அவர்கள் வைத்திருந்த கணினி உள்ளிட்ட தளவாடங்களுடன் 3 லட்சம் ரூபாய் பணம் பறிமுதல் செய்யப்பட்டுள்ளன.

போலி விசா தயாரிக்கும் கும்பலுக்கு மூளையாக செயல்பட்ட முகமது அப்துல் ரஹிம் என்பவர் கைது செய்யப்பட்டுள்ளார் என ஐதராபாத் காவல் ஆணையர் அஞ்சனிகுமார் தெரிவித்துள்ளார். மேலும் கைது செய்யப்பட்ட 5 பேரில் சென்னை ராயப்பேட்டையை சேர்ந்த முகமது ஷேக் இலியாஸ் என்பவரும் ஒருவராவார். இவர்கள் போலியான ஆவணங்களை வைத்து சட்டவிரோதமாக அலுவலகம் நடத்திவந்ததாகவும் அஞ்சனிகுமார் தெரிவித்தார்.

கனடா, பிரான்ஸ் மற்றும் அரபு நாடுகளுக்கு செல்வதற்கான விசா வழங்குவதற்கு 4 லட்சம் ரூபாய் வாங்கியிருப்பது விசாரணையில் தெரியவந்துள்ளது. பாஸ்போர்ட் ஒன்றுக்கு 40 ஆயிரம் ரூபாய் வரை கட்டணமாக வசூலித்துள்ளனர். வெளிநாடுகளுக்கு செல்ல விரும்புவோர் போலியான நிறுவனங்களை நாட வேண்டாம் என்று போலீசார் அறிவுறுத்தியுள்ளனர்.


மேலும் செய்திகள்

Like Us on Facebook Dinkaran Daily News
  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

  • 03-06-2020

    03-06-2020 இன்றைய சிறப்பு படங்கள்

  • schoolopen3

    சிங்கப்பூரில் 2 மாதங்களுக்கு பிறகு பள்ளிகள் மீண்டும் திறப்பு: மாணவர்கள் முகக்கவசம் அணிந்து வருகை!!!

படங்கள் வீடியோ கல்வி சினிமா ஜோ‌திட‌ம்