SUN குழுமத்திலிருந்து வெளிவரும் காலை நாளிதழ்

ஐடிபிஐ வங்கிக்கு எல்ஐசி 12,000 கோடி

2019-02-17@ 04:36:56

புதுடெல்லி : நஷ்டத்தில் உள்ள ஐடிபிஐ வங்கியின் பெரும்பான்மை பங்குகளை வாங்கிய எல்ஐசி,  12,000 கோடியை முதலீடு செய்ய முடிவு செய்துள்ளதாக தெரிகிறது.    நஷ்டத்தில் சிக்கித் தவித்து வந்த ஐடிபிஐ வங்கியின் 51 சதவீத பெரும்பான்மையான பங்குகளை எல்ஐசி வாங்க உள்ளதாக 2018 ஜூனில் அறிவிக்கப்பட்டது. இரண்டு நிறுவனங்களும் இணைய மத்திய அரசு கடந்த ஆகஸ்ட் மாதம் அனுமதியை வழங்கியது. பங்குகளை கையகப்படுத்தும் நடவடிக்கை கடந்த மாதம் 21ம் தேதி முடிவுக்கு வந்தது. ஐடிபிஐ வங்கிக்கு பங்குகளை விற்ற வகையில் 21,264 கோடி கிடைத்துள்ளது.  தற்போது ஐடிபிஐ வங்கியின் பெரும்பான்மையான பங்குகளை வாங்கியுள்ளதால், காப்பீடு, வீட்டுக் கடன் மட்டுமல்லாமல் வங்கி துறையிலும் எல்ஐசி தங்களது ஆதிக்கத்தைச் செலுத்தும் என எதிர்பார்க்கப்படுகிறது.

இந்நிலையில், சமீபத்தில் ஐடிபிஐ, எல்ஐசி அதிகாரிகள், நிதி சேவைகள் துறையின் மூத்த அதிகாரிகளுடன் ஆலோசனை நடத்தினர். அப்போது ஐடிபிஐயின் மொத்த கடனில் வார கடன் அளவு 24.72 சதவீதமாக கடந்த டிசம்பர் மாத இறுதியில் இருப்பதாக கூறப்பட்டது. ஐடிபிஐயின் மூன்றாவது காலாண்டு நஷ்டம் மூன்று மடங்காக உயர்ந்து 4,185 கோடியாக அதிகரித்தது. மொத்த வருவாய் 6,190.94 கோடியாக குறைந்தது. நடப்பு காலாண்டில் ( ஜனவரி-மார்ச்) வாரா கடனை சமாளிக்க முதலீடு தேவைப்படுகிறது. இதற்காக 12,000 கோடியை ஐடிபிஐ வங்கிக்கு எல்ஐசி தரும் என தெரிகிறது.


மேலும் செய்திகள்

Like Us on Facebook Dinkaran Daily News
  • colorado

    கொலராடோ நாட்டில் மனித உரிமை சட்டத்தை பாதுகாக்க கோரி பொதுமக்கள் போராட்டம்

  • trainchina

    சீனாவில் முதல் அதிவேக மாக்லெவ் ரயில் அறிமுகம்: மணிக்கு 600 கி.மீ வேகத்தில் செல்லும் என தகவல்!

  • 24-05-2019

    24-05-2019 இன்றைய சிறப்பு பாடங்கள்

  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

படங்கள் வீடியோ கல்வி சினிமா ஜோ‌திட‌ம்