SUN குழுமத்திலிருந்து வெளிவரும் காலை நாளிதழ்

விருதுநகர் புதிய பஸ்நிலையத்தில் இடிந்து விழும் கைப்பிடிச் சுவர்கள்

2019-02-16@ 12:32:40

விருதுநகர் : விருதுநகர் புதிய பஸ்நிலையத்தில் இடிந்து விழும் நிலையில் உள்ள மேற்கூரை கைப்பிடிச்சுவர்களை இடித்து அகற்ற வேண்டும் என சமூக ஆர்வலர்கள் வலியுறுத்தியுள்ளனர். விருதுநகரில் நகர விரிவாக்கத்தை கருத்தில் கொண்டு கடந்த 1992ல் ரூ.77 லட்சத்தில் சாத்தூர் ரோட்டில் புதிய பஸ்நிலையம் கட்டப்பட்டது. இங்கும் பஸ்கள் எதுவும் வராததால், பயனற்ற நிலையில் உள்ளது. மேலும், பஸ் நிலையத்தை முறையாக பராமரிக்காததால் பாழடைந்து காணப்படுகிறது.

பஸ் நிலையத்தின் மேற்கூரை சுற்றுச்சுவர்கள் இடிந்து விழுந்து வந்தன. இதை தொடர்ந்து பஸ்நிறுத்த பகுதியில், சுற்றுச்சுவர்கள் இடித்து அகற்றப்பட்டு மொட்டை மாளிகையாக காட்சி தருகிறது. இந்நிலையில், பஸ்நிலைய கட்டிடத்தின் நுழைவுப்பகுதியில் உள்ள அலுவலக மற்றும் கடைகளின் மேற்கூரை கைப்பிடி சுவர்கள் இடிந்து விழுகின்றன. இந்த பகுதியில் வரும் நபர்களின் மேல் கைப்பிடிச்சுவர் இடிந்து விழுந்து விபத்து ஏற்படும் முன், அபாயகரமான நிலையில் உள்ள மேற்கூரை கைப்பிடி சுவர்களை இடித்து அகற்ற வேண்டும்.

பஸ் நிலையத்தின் மேற்கூரையில் இடித்து அகற்றப்பட்ட பகுதிகளில் கைப்பிடி சுவர்களை தரமான முறையில் உடனடியாக கட்டவும், மெயின்பஜார் வழியாக பஸ்கள் செல்ல ஏற்பாடு செய்ததை போல புதிய பஸ் நிலையத்திற்கு பஸ்கள் வந்து செல்ல மாவட்ட நிர்வாகம் உரிய நடவடிக்கை எடுக்க வேண்டும் என சமூக ஆர்வலர்கள் வலியுறுத்தியுள்ளனர்.


மேலும் செய்திகள்

Like Us on Facebook Dinkaran Daily News
  • 19-07-2019

    19-07-2019 இன்றைய சிறப்பு படங்கள்

  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

படங்கள் வீடியோ கல்வி சினிமா ஜோ‌திட‌ம்