SUN குழுமத்திலிருந்து வெளிவரும் காலை நாளிதழ்

டிக் டாக்கிற்கு தடை விதித்தால் சந்தோஷம் தான் தேர்தல் கூட்டணி அமைக்க கட்சிகளுடன் பேச்சுவார்த்தை: தமிழிசை சவுந்தரராஜன் பேட்டி

2019-02-13@ 00:54:40

சென்னை: டிக் டாக்கிற்கு தடை விதித்தால் சந்தோஷம் தான் என்றும், நாடாளுமன்றம் தேர்தல் தொடர்பாக பல கட்சிகளோடு பேச்சுவார்த்தை நடக்கிறது  என்று தமிழிசை சவுந்தரராஜன் கூறியுள்ளார். நேற்று மக்கள் சந்திப்பு நிகழ்ச்சிக்கு  பின்னர் தமிழிசை சவுந்தரராஜன் அளித்த பேட்டி: டிக் டாக் செயலியை தடை செய்ய தமிழக அரசு நடவடிக்கை எடுத்தால் சந்தோஷம் அடையும் முதல் நபர் நானாக தான் இருப்பேன். பல இடங்களில் டிக் டாக்  செயலி தவறாக பயன்படுத்தப்பட்டு வருகிறது. தேர்தல் பிரசாரத்துக்காக நாளை மறுதினம் அமித்ஷா ஈரோடு வருகிறார். 15ம் தேதி மத்திய அமைச்சர் நிதின் கட்கரி தமிழகம் வருகிறார். இதே போல பல்வேறு  தேசிய தலைவர்கள் தமிழகம் வர உள்ளனர். வாக்குசாவடி அளவில் எங்களை நாங்கள் பலப்படுத்தி வருகிறோம். கன்னியாகுமரிக்கு மோடி வருகை சற்று தள்ளி  போகிறது.  திருப்பூரில் நடைபெற்ற கூட்டத்தில் அதிக அளவில் விவசாயிகள் கலந்து கொண்டனர். விவசாயிகளுக்கு ஆண்டுக்கு ரூ.6000 வழங்கப்படும் என்பதற்கு நல்ல  வரவேற்பு உள்ளது. காங்கிரஸ் இல்லாத கட்சிகளுடன் கூட்டணி பேசிக்கொண்டிருக்கிறோம். இவ்வாறு அவர் கூறினார்.

முதல்வருக்கு பாராட்டு: தமிழக பாஜ தலைவர் தமிழிசை வெளியிட்ட அறிக்கையில் கூறியுள்ளதாவது: வறுமைக்கோட்டுக்கு கீழ் உள்ள ஏழை தொழிலாளர்களுக்கு தலா ₹2 ஆயிரம்  வழங்கப்படும் என தமிழக முதல்வர் சட்டசபையில் அறிவித்துள்ளது ஏழைகளின் வயிற்றில் பால் வார்க்கும். ஏழைகளின் சிரிப்பில் இறைவனை காணும் தமிழக  முதல்வருக்கு பாராட்டுக்கள்.

அதிமுக கருத்தல்ல: பாஜ தலைவர் தமிழிசை மேலும் கூறுகையில்,‘‘ மத்திய அரசுக்கு எதிராக பேசியது  தம்பிதுரையின் கருத்து. ஒட்டுமொத்த அதிமுகவின் கருத்தாக இருக்காது  என்பது தான் எனது கருத்து’’ என்றார்.


மேலும் செய்திகள்

Like Us on Facebook Dinkaran Daily News
  • canadaplastic

    கனடாவில் பிளாஸ்டிக்கை ஒழிக்க விழிப்புணர்வு கண்காட்சி: குப்பைகளை கொண்டு வடிவமைக்கப்பட்ட கடல்வாழ் உயிரினங்கள்

  • paradechina

    சீனாவில் ஆசிய கலாச்சார திருவிழா 2019: பல நாடுகளின் நாகரிகங்களை பறைசாற்றும் வகையில் அணிவகுப்பு

  • buddhapurnima

    புத்தர் அவதரித்த தினமான புத்த பூர்ணிமா பண்டிகை உலகமெங்கும் விமர்சையாக கொண்டாடப்பட்டது: புகைபடங்கள்

  • flyingtaxi

    ஜெர்மனியில் 5 இருக்கைகள் கொண்ட பறக்கும் டாக்ஸி அறிமுகம்: சோதனை ஓட்டம் வெற்றி

  • 20-05-2019

    20-05-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்