SUN குழுமத்திலிருந்து வெளிவரும் காலை நாளிதழ்

பிரதமர், முதல்வர் நிகழ்ச்சிகளில் தேசிய கீதம் பாடுவது கட்டாயம் கிடையாது: உயர் நீதிமன்றம் கருத்து

2019-02-13@ 00:53:51

சென்னை: தமிழகத்தில் பிரதமர் நரேந்திர மோடி கலந்து கொண்ட அரசு நிகழ்ச்சிகளில் தேசிய கீதம் பாடாததையடுத்து சம்பந்தப்பட்ட அரசு செயலாளர்கள்  மீது நடவடிக்கை எடுக்கக்கோரிய வழக்கை சென்னை உயர் நீதிமன்றம் தள்ளுபடி செய்தது. மதுரை எய்ம்ஸ் மருத்துவமனை அடிக்கல் நாட்டு விழா மற்றும் திருப்பூரில் நடைபெற்ற அரசு நிகழ்ச்சிகளில் பிரதமர் நரேந்திர மோடி சமீபத்தில் கலந்து  கொண்டார்.இந்த இரண்டு நிகழ்ச்சிகளிலும் தேசிய கீதம் பாடப்படவில்லை. இதையடுத்து, நிகழ்ச்சி ஏற்பாட்டாளர்களான தலைமை செயலாளர் மற்றும் சுகாதாரத்துறை  செயலாளர் ஆகியோர் மீது நடவடிக்கை எடுக்குமாறு உத்தரவிடக்கோரி சென்னை உயர் நீதிமன்றத்தில் வேம்பு என்பவர் வழக்கு தொடர்ந்தார்.

 வழக்கு நீதிபதிகள் மணிக்குமார் மற்றும் சுப்பிரமணியம் பிரசாத் ஆகியோர் அடங்கிய டிவிஷன் பெஞ்சில் நேற்று விசாரணைக்கு வந்தது. அப்போது, மனுதாரர் தான் சமூக ஆர்வலர் என்று கூறுவதற்கான ஆதாரங்கள் எதுவும் இல்லை. தேசிய கீதம் விதிகளின் படி, பிரதமர் மற்றும் முதல்வர் கலந்து கொள்ளும் அனைத்து அரசு நிகழ்ச்சிகளிலும் தேசிய கீதம் பாட வேண்டும் என்பது கட்டாயமல்ல.  எனவே, இந்த வழக்கு தள்ளுபடி செய்யப்படுகிறது என்று உத்தரவிட்டனர்.


மேலும் செய்திகள்

Like Us on Facebook Dinkaran Daily News
  • 21-04-2019

    21-04-2019 இன்றைய சிறப்பு படங்கள்

  • 20-04-2019

    20-04-2019 இன்றைய சிறப்பு படங்கள்

  • iyesumakal11

    இயேசு கிறிஸ்துவின் சிலுவைப் பாடுகளை நினைவுகூரும் புனிதவெள்ளி இன்று அனுசரிப்பு

  • 19-04-2019

    19-04-2019 இன்றைய சிறப்பு படங்கள்

  • 18-04-2019

    18-04-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்