SUN குழுமத்திலிருந்து வெளிவரும் காலை நாளிதழ்

பெரியார் நகரில் திருமண வீட்டில் 60 சவரன் கொள்ளை: மர்ம ஆசாமிகள் கைவரிசை

2019-02-13@ 00:05:04

பெரம்பூர்: பெரியார் நகரில்  திருமணத்திற்கு வைத்திருந்த, 60 சவரன் நகைகளை மர்ம ஆசாமிகள் திருடிச் சென்றுள்ளனர். சென்னை பெரம்பூரை அடுத்த பெரியார் நகர், கந்தசாமி சாலையை சேர்ந்தவர் தங்கவேலு (63). இவர்  தமிழக அரசின் தொழிலாளர் பிரிவில் இணை ஆணையர் பணி செய்து ஓய்வு பெற்றவர். இவரது மனைவி சாந்தி. இவர்களுக்கு 2 மகள்கள் உள்ளனர். முதல் மகள் திருமணம் ஆனவர். 2வது மகளுக்கு  திருமண நிச்சயம் நடந்துள்ளது. அதற்காக, உறவினர்களுக்கு பத்திரிகைகள் வைப்பதற்காக தங்கவேலு, அவரது மனைவி சாந்தி மற்றும் மகளுடன் திருநெல்வேலி மற்றும் மதுரைக்கு கடந்த சனிக்கிழமை சென்றுள்ளார்.

இந்நிலையில், நேற்று காலை தங்கவேலுவின் வீட்டின் பின்புறம் உள்ள இரும்பு கதவின் பூட்டு உடைக்கப்பட்டிருப்பதை  பக்கத்து வீட்டினர் பார்த்து அதிர்ச்சி தகவல் கொடுத்தனர்.  இதுகுறித்து, அவர்கள் பெரவள்ளுர் போலீசுக்கு தகவல் கொடுத்தனர். தகவலின்பேரில் புளியந்தோப்பு போலீஸ் துணை கமிஷ்னர் சாய்சரண் தேஜஸ்வி தலைமையில் போலீசார் சம்பவ இடத்திற்கு சென்று விசாரணை நடத்தினர். மேலும் கைரேகை நிபுணர்கள் வரவழைக்கபட்டு விசாரணை நடத்தினர்.முதல்கட்ட விசாரணையில் வீட்டின் முதல் தளத்தில் 3 அறைகள் உள்ளன.  ஒரு அறையில் வைக்கப்பட்டிருந்த  லாக்கரை  மர்ம நபர்கள் அப்படியே எடுத்து சென்றுள்ளனர்.

லாக்கரில் சுமார் 60 சவரன் தங்க நகைகள் மற்றும் வைர நகைகள் பணம்  இருந்ததாக  கூறப்படுகிறது. மதுரையில் இருந்து தங்கவேலு வந்தவுடன் திருட்டுபோன பொருட்களின் மதிப்பு எவ்வளவு என்பது முழுமையாக தெரியவரும் என அதிகாரிகள் தெரிவித்தனர். வீடு பூட்டி இருப்பதை பார்த்து கொள்ளையர்கள் நள்ளிரவில் திருட்டில் ஈடுபட்டதாக கூறப்படுகிறது. தனிப்படை அமைத்து   கொள்ளையர்களை  தேடிவருகிறார்கள்.
இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.


மேலும் செய்திகள்

Like Us on Facebook Dinkaran Daily News
  • modi_viruthu_iyo1

    அமைதிக்கான விருது, காந்தி சிலை திறப்பு : பிரதமர் மோடியின் தென் கொரிய பயண புகைப்படங்கள்

  • mumbai_vivasayigal11

    மத்திய மாநில அரசுகளை மிரள வைக்கும் வகையில் ஆயிரக்கணக்கான விவசாயிகள் 180 கிலோ மீட்டர் தூர மாபெரும் பேரணி

  • 20-02-2019

    22-02-2019 இன்றைய சிறப்பு படங்கள்

  • perufloodrain

    பெருவில் கனமழை : கரைபுரண்டு ஓடும் வெள்ளத்தால் பொதுமக்களின் இயல்பு வாழ்க்கை பாதிப்பு

  • himachal

    இமாச்சலப் பிரதேசத்தில் பனிச்சரிவு: ராணுவ வீரர் பலி, 5 வீரர்களை தேடும் பணி தீவிரம்

படங்கள் வீடியோ கல்வி சினிமா ஜோ‌திட‌ம்