SUN குழுமத்திலிருந்து வெளிவரும் காலை நாளிதழ்

திருச்சி- காரைக்கால் மின்மய பணி மார்ச்சில் முடியும்: தென்னக ரயில்வே பொது மேலாளர் தகவல்

2019-02-12@ 21:06:14

திருவாரூர்: திருச்சி- காரைக்கால் ரயில் வழித்தடம் மின்மயமாக்கும் பணி வரும் மார்ச்சில் முடியும் என்று தென்னக ரயில்வே பொது மேலாளர் குல்ஸ்ரஷ்தா தெரிவித்துள்ளார். திருவாரூருக்கு நேற்று வருகை தந்த தென்னக ரயில்வே பொது மேலாளர் குல்ஸ்ரஷ்தா, காரைக்காலில் இருந்து அதிநவீன தொழில்நுட்பத்தை பயன்படுத்தி 59 வேகன்களில் நிலக்கரி ஏற்றியவாறு மேட்டூர்  புறப்பட்ட 150 வது சரக்கு ரயிலை, கொடியசைத்து தொடங்கி வைத்தார். பின்னர்  குல்ஸ்ரஷ்தா  நிருபர்களுக்கு அளித்த பேட்டி: திருச்சி- காரைக்கால் மற்றும் விழுப்புரம்- கடலூர்  ரயில் வழித்தடம் மின்மயமாக்குதல் பணிகள் நடப்பாண்டு இறுதிக்குள் (மார்ச்)  நிறைவடையும். திருவாரூர்-காரைக்குடி அகல ரயில் பாதை திட்டப்பணிகள் இந்த ஆண்டு மார்ச் மாதத்திற்குள் முடிவடையும். இந்த மார்க்கத்தில் ரயில்கள் இயக்குவது குறித்து ரயில்வே அமைச்சகம் தான் முடிவு செய்யும்.

திருவாரூரில் இருந்து திருச்சிக்கு  புதிய ரயில்கள் இயக்குவது தொடர்பாக பயணிகளின் எண்ணிக்கை மற்றும் வருவாய் குறித்து ஆலோசித்த பின்னரே முடிவு செய்யப்படும்.  கூடுதல் ரயில் சேவை மற்றும் ரயில்கள் தூரம் நீட்டிக்கப்படுவது எம்பிக்கள் வைக்கும் கோரிக்கைகளை பொறுத்தே அமைய உள்ளது. இதில் முடிவெடுக்கும் அதிகாரம் ரயில்வே துறை அமைச்சகத்தின் கையில் தான் உள்ளது. இவ்வாறு ரயில்வே பொது மேலாளர் தெரிவித்தார். பேட்டியின் போது  திருச்சி மண்டல ரயில்வே மேலாளர்  உதயகுமார் ரெட்டி மற்றும் ரயில்வே அதிகாரிகள் உடனிருந்தனர்.


மேலும் செய்திகள்

Like Us on Facebook Dinkaran Daily News
  • 23-02-2019

    23-02-2019 இன்றைய சிறப்பு படங்கள்

  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

  • chinadance

    சீனாவில் லூஸெங் எனப்படும் இசைக்கருவியை கொண்டாடும் விதமாக மியோவா மக்கள் நடத்திய பாரம்பரிய நடனம்

படங்கள் வீடியோ கல்வி சினிமா ஜோ‌திட‌ம்