SUN குழுமத்திலிருந்து வெளிவரும் காலை நாளிதழ்

தமிழக முன்னாள் தலைமை செயலாளர் ராம் மோகனராவ் நடிகர் கட்சியில் ஐக்கியம்

2019-02-12@ 01:48:33

திருமலை: ஆந்திராவில், நடிகர் பவன் கல்யாணின் ஜனசேனா கட்சியில் தமிழக முன்னாள் தலைமை செயலாளர் ராம் மோகனராவ் சேர்ந்தார். அவருக்கு  அரசியல் சட்ட ஆலோசகர் பொறுப்பு வழங்கப்பட்டுள்ளது.ஆந்திர மாநிலம், விஜயவாடாவில் உள்ள நடிகர் பவன் கல்யாணின் ஜனசேனா கட்சி அலுவலகத்துக்கு  தமிழக முன்னாள் தலைமை செயலாளர் ராம் மோகன்ராவ் நேற்று வந்தார். அவர் நடிகர் பவன் கல்யாண் முன்னிலையில் ஜனசேனா கட்சியில் இணைந்தார்.  இதையடுத்து அக்கட்சியின் சட்ட ஆலோசகராக ராம்மோகன ராவ் பதவி ஏற்றுக்கொண்டார்.

பின்னர் நடிகர் பவன் கல்யாண் கூறியதாவது: மூத்த ஐஏஎஸ் அதிகாரியும் தமிழக முன்னாள் தலைமை செயலாளருமான ராம்மோகன ராவ்  சிறந்த அரசியல்  ஆலோசகராக திகழ்ந்த அனுபவம் உள்ளவர். இவரை ஜன சேனா  கட்சித் தலைவரின் அரசியல் ஆலோசகராக ஏற்றுக்கொள்ள வேண்டுமென கேட்டபோது அவரும்  ஏற்றுக்கொண்டார். தமிழக அரசியலில் தனது அனுபவத்தின் மூலமாக பல்வேறு நல திட்டங்களை செயல்படுத்தியவர். அதிமுக அரசின் நிர்வாகத்தில் முன்னாள்  முதல்வர் ஜெயலலிதா மருத்துவமனையில் கோமாவில் இருந்தபோது பல இக்கட்டான சூழ்நிலையில் அரசு நிர்வாகத்தை எந்த பாதிப்பும் இல்லாத வகையில்  சீரோடும் சிறப்போடும் நடத்தியவர். என் மீது நம்பிக்கை வைத்து எனது அரசியல் ஆலோசகராக ஏற்றுக்  கொண்டுள்ளார். இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • intelexopchina17

    சீனாவில் நடைபெற்ற சர்வதேச ஆட்டோமொபைல் எக்ஸ்போ: Audi உள்ளிட்ட நிறுவனங்களின் புதிய கார்கள் அறிமுகம்

  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்