SUN குழுமத்திலிருந்து வெளிவரும் காலை நாளிதழ்

டாஸ்மாக் கடைகள் மூலம் 2017-18-ம் நிதியாண்டில் தமிழக அரசுக்கு ரூ.26,797.96 கோடி வருவாய்

2019-02-11@ 17:52:42

சென்னை: டாஸ்மாக் மதுக்கடைகள் மூலம் தமிழக அரசுக்கு ரூ.26,797.96 கோடி வருவாய் கிடைத்துள்ளதாக அரசு வெளியிட்டுள்ள அறிக்கையில் கூறப்பட்டுள்ளது. 2017-18 ம் ஆண்டிற்கான தமிழக அரசின் வருவாய் அறிக்கை வெளியிடப்பட்டுள்ளது. தமிழ்நாடு வாணிப கழகம் தாக்கல் செய்துள்ள 35-வது ஆண்டறிக்கையில், 2017-18 ல் டாஸ்மாக் மூலம் தமிழக அரசுக்கு ரூ.26,797.96 கோடி வருவாய் கிடைத்துள்ளதாக தெரிவிக்கப்பட்டுள்ளது. மாநிலம் முழுவதும் சுமார் 5000 டாஸ்மாக் கடைகள் தமிழக அரசின் கட்டுப்பாட்டின் கீழ் இயங்கி வருகின்றன. இந்த டாஸ்மாக் கடைகள் மூலம் அரசுக்கு கிடைக்கும் வருமானம் மற்ற துறைகளில் கிடைக்கு வருமானத்தை விடவும் மிகவும் அதிகமானது ஆகும்.

சாதாரண நாட்களில் டாஸ்மாக் மூலம் சராசரியாக ரூ.70 கோடி அளவுக்கு வருமானம் கிடைக்கிறது. அதே பண்டிகை நாட்களில் ரூ.100 கோடி அல்லது அதற்கும் மேல் அதிக வருமானம் கிடைக்கிறது. இந்நிலையில் தற்போது தமிழக டாஸ்மாக் கடைகள் மூலம் 2017-18 ஆம் நிதியாண்டில் தமிழக அரசுக்கு ரூ.26,797.96 கோடி வருவாய் கிடைத்துள்ளது டாஸ்மாக் 35-வது ஆண்டறிக்கையின் மூலம் இந்த தகவல் வெளியாகியுள்ளது.

இதனுடையே டாஸ்மாக் கடைகளை பாதுகாக்கும் விதமாக டாஸ்மாக் கடைகளில் சிசிடிவி கேமராக்களைப் பொருத்த டாஸ்மாக் நிர்வாகம் கடந்த ஆண்டு முடிவு செய்தது. அதன்படி முதற்கட்டமாக தற்போது 3,000 டாஸ்மாக் கடைகளில் சிசிடிவி கேமராக்களைப் பொருத்த டாஸ்மாக் நிர்வாகம் முடிவு செய்துள்ளது. கடைக்கு 2 கண்காணிப்பு கேமரா வீதம் 3,000 கடைகளுக்கு 6,000 கேமராக்களைப் பொருத்த 5 கோடி மதிப்பிலான டெண்டரினை டாஸ்மாக் வெளியிட்டுள்ளது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • MummifiedFoal

    42 ஆயிரம் ஆண்டுகளுக்கு முன்பு இறந்த குதிரையின் உடலில் உறைந்த ரத்தம்..: ரஷ்ய விஞ்ஞானிகள் கண்டுபிடிப்பு

  • SriLankaHomage

    இலங்கை தொடர் வெடிகுண்டு தாக்குதலுக்கு உலகச் சமூகங்கள் அஞ்சலி: பிரான்சின் ஈபிள் டவரில் விளக்குகள் அணைப்பு!

  • selphiGorilla

    கொரில்லாக்களையும் விட்டு வைக்காத செல்ஃபி மோகம் : குஷியான போஸ்கள்

  • QingdaoNavalParade

    சீனாவில் நடைபெறவுள்ள பிரம்மாண்ட கப்பல் அணிவகுப்பை ஒட்டி துறைமுகம் வந்தடையும் பல்வேறு நாடுகளின் போர்க்கப்பல்கள்!

  • CaucaLandslide

    கொலம்பியாவில் கனமழை காரணமாக ஏற்பட்ட திடீர் நிலச்சரிவில் சிக்கி 14 பேர் பலி..: மீட்பு பணிகள் தீவிரம்

படங்கள் வீடியோ கல்வி சினிமா ஜோ‌திட‌ம்