தஞ்சாவூர்: பிரதமர் வீடு கட்டும் திட்டத்தின் கீழ் வீடுகள் கட்டப்பட்டதாக கூறி ரூ.5 கோடி அளவிற்கு ஊழல் நடந்திருப்பதாக புகார் எழுந்திருக்கிறது. தஞ்சை மாவட்டம் முதலூர் ஒன்றியத்துக்கு உட்பட்ட வெண்டையம்பட்டி, முல்லைக்கொடி, தீட்சசமுத்திரம் உள்ளிட்ட கிராமங்களில் வீடுகள் கட்டாமலேயே கட்டி முடிக்கப்பட்டதாக கணக்கு கட்டப்பட்டுள்ளதாக பொதுமக்கள் குற்றம் சாட்டியிருக்கின்றனர்.

முறைகேட்டில் ஈடுபட்ட அதிகாரிகள் மீது நடவடிக்கை எடுக்க வலியுறுத்தி தஞ்சை மாவட்ட ஆட்சியர் அலுவலத்தில் மக்கள் கண்டன ஆர்ப்பாட்டம் நடத்தினர். இதேபோன்று தஞ்சை சுற்றுவட்டாரத்தில் 100 நாள் வேலை திட்டத்திலும் போலியாக கணக்குக்காட்டி ஊழல் நடைபெற்று வருவதாக கிராமமக்கள் புகார் கூறியிருக்கின்றனர். சம்பந்தப்பட்ட இடங்களில் விசாரணை நடத்தி ஊழல் செய்பவர்களை தண்டிக்க வேண்டும் என்று கிராமமக்கள் வலியுறுத்தியுள்ளனர்.