SUN குழுமத்திலிருந்து வெளிவரும் காலை நாளிதழ்

பாஜக ஆட்சியில் வேலையில்லா திண்டாட்டம் அதிகரிப்பு, சிறு தொழில்கள் அழிவு : தம்பிதுரை சரமாரி புகார்

2019-02-11@ 16:38:25

டெல்லி: பாஜக தலைமையிலான 5 ஆண்டு கால ஆட்சியில் நாட்டில் வரலாறு காணாத அளவிற்கு வேலையில்லா திண்டாட்டம் விஸ்வரூபம் எடுத்திருப்பதாக மக்களவை துணைத் தலைவர் தம்பிதுரை குற்றம்சாட்டியுள்ளார். மக்களவையில் மத்திய அரசின் இடைக்கால பட்ஜெட் குறித்த விவாதத்தில் பங்கேற்று பேசிய அவர், நாட்டில் வேலையில்லாத இளைஞர்களின் எண்ணிக்கை நாளுக்கு நாள் உயர்ந்து வருவதாகவும் குறிப்பிட்டார். பணமதிப்பிழப்பு நீக்க நடவடிக்கையால் தமிழகத்தில் சிறு தொழில்கள் அழிந்து விட்டதாக தம்பிதுரை குற்றம்சாட்டியுள்ளார். பொருளாதாரத்தில் ஏற்பட்டுள்ள தாக்கம் என்ன என வினவிய அவர் வேலையில்லா திண்டாட்டம் தான் பெருகியுள்ளது என்றார்.

கடந்த 45 ஆண்டுகளில் இல்லாத வகையில் வேலையில்லா திண்டாட்டம் கடந்த 5 ஆண்டு கால பாஜக ஆட்சியில் 6 சதவீதம் உயர்ந்துள்ளது என்றார். படிப்பை முடித்த இளைஞர்கள் வேலையின்றி தவிக்கிறார்கள். கடந்த 2018-2019 பட்ஜெட்டை தாக்கல் செய்த அருண்ஜேட்லி, வேலையில்லா திண்டாட்டத்தை தீர்க்க பல்வேறு நடவடிக்கைகளை எடுப்பதாக கூறினார். அப்போது 7 லட்சம் வேலை வாய்ப்புகளை உருவாக்குவதாக கூறினார். ஆனால் தற்போதைய இடைக்கால பட்ஜெட்டில் 2 லட்சம் வேலை வாய்ப்புகள் மட்டுமே உருவாக்கப்படும் என கூறப்பட்டுள்ளது. இது என்ன எண்ணிக்கை என தெரியவில்லை என்றார் தம்பிதுரை.

மேலும் பேசிய அவர் கஜா, ஓகி உட்பட 4 புயல்கள் தமிழகத்தை தாக்கி சின்னாபின்னப்படுத்திய போது மத்திய அரசு தமிழகத்திற்கு போதிய நிதியை ஒதுக்கவில்லை என புகார் தெரிவித்தார். மத்திய அரசின் புறக்கணிப்பால் தமிழகம் பெரிய பின்னடைவை எதிர்கொண்டு வருவதாக தெரிவித்தார். மேலும் பேசிய அவர் மேக் இன் இந்தியா போன்ற திட்டங்களை அறிவிக்கிறீர்கள். ஆனால் உண்மையில் நடப்பது என்ன என வினவிய அவர், சீனா மற்றும் வங்கதேசத்தில் இருந்து இங்கு வந்து குவிக்கப்படும் நுகர் பொருட்களால் நமது நாட்டில் சிறு தொழில்கள் வேகமாக அழிந்து வருகின்றன. ஆனால் நீங்களோ வெளிநாட்டு பொருட்கள் இங்கு குவிக்கப்படுவதை ஊக்குவிக்கிறீர்கள் என சரமாரியாக கேள்வி எழுப்பினார்.  நாடாளுமன்ற தேர்தலில் அதிமுக - பாஜக இடையே கூட்டணி முடிவாகிவிட்டதாக செய்திகள் வெளியாகியுள்ள நிலையில், மத்திய அரசு மீதான தம்பிதுரையின் சரமாரியான விமர்சனம் இருகட்சிகளிடையே உருவாகியுள்ள கூட்டணியில் எந்த பாதிப்பும் ஏற்படுத்தாது என்றே கருதப்படுகிறது.  


மேலும் செய்திகள்

Like Us on Facebook Dinkaran Daily News
  • 20-02-2019

    20-02-2019 இன்றைய சிறப்பு படங்கள்

  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

  • china_lamfesti1

    சீனாவில் விளக்குத் திருவிழா : டிராகன், பீனிக்ஸ், பன்றிகளை போல் உருவாக்கப்பட்ட விளக்குகள் காண்போரை கவர்ந்தது

  • 2mili_nall

    காஷ்மீரில் வீரமரணம் அடைந்த மேஜர் விஎஸ் தவுன்டியால், காவலர் அப்துல் ரஷித் உடல்கள் ராணுவ மரியாதையுடன் நல்லடக்கம்

படங்கள் வீடியோ கல்வி சினிமா ஜோ‌திட‌ம்