பசுமை தீர்ப்பாயம் தீர்ப்பை ஏற்று தமிழக அரசு உரிய நடவடிக்கை

கருத்துகள்


சட்டப்பேரவையில் நேற்று, “தூத்துக்குடியில் உள்ள ஸ்டெர்லைட் ஆலையில் இருந்து நச்சு வாயு வெளியேறியதால் அப்பகுதி மக்கள் பாதிக்கப்படுவது குறித்து’’ மார்க்சிஸ்ட் கம்யூனிஸ்ட் உறுப்பினர் சவுந்தரராஜன், கவனஈர்ப்பு தீர்மானம் கொண்டு வந்து பேசினார். இதற்கு பதில் அளித்து சுற்றுச்சூழல் துறை அமைச்சர் எம்.சி.சம்பத் பேசியதாவது:தூத்துக்குடி சிப்காட் தொழிற்சாலை வளாகத்தில் 1997ம் ஆண்டு ஜனவரி மாதம் முதல் ஸ்டெர்லைட் தொழிற்சாலை செயல்பட்டு வருகிறது. தற்போது, தினசரி 1200 டன் காப்பர் ஆனோடு, 875 டன் காப்பர் கேதோடு, 800 டன் பாஸ்பாரிக் அமிலம் மற்றும் 4200 டன் கந்தக அமிலம் உற்பத்தி செய்யப்படுகிறது. அங்கு உற்பத்தியாகும் 4,080 கிலோ லிட்டர் செய்முறை கழிவுநீர் சுத்திகரிக்கப்பட்டு, மீண்டும் உபயோகப்படுத்தப்படுகிறது. புகைபோக்கி வாயுவின் தரம் சுற்றுச்சூழல் காற்றின் தரம் ஆகியவற்றை கண்காணிக்கும் கருவிகளும் உள்ளது.இதற்கிடையில், கடந்த மாதம் 23ம் தேதி காலை 7 மணிக்கு தூத்துக்குடி கீழசண்முகாபுரம், புதுகாலனி மக்களுக்கு கண் எரிச்சல் மற்றும் தொண்டை அடைப்பு பாதிப்புகள் இருப்பதாக, தூத்துக்குடி மாவட்ட சுற்றுச்சூழல் அலுவலகத்துக்கு புகார் வந்தது. உடனடியாக சுற்றுச்சூழல் அதிகாரிகள் ஸ்டெர்லைட் தொழிற்சாலையை ஆய்வு செய்தனர். அதில், புகைபோக்கியில் இருந்து கந்தக டை ஆக்ஸைடின் அளவு நிர்ணயிக்கப்பட்ட தர அளவைவிட அதிகமாக வெளியேறுவது தெரியவந்தது.

இதையடுத்து, ஸ்டெர்லைட் தொழிற்சாலையின் தாமிர உருக்காலை பிரிவை மூடவும், மின் இணைப்பை துண்டிப்பதற்கும் தமிழ்நாடு மாசு கட்டுப்பாடு வாரியம் உத்தரவிட்டதால் மின் இணைப்பு துண்டிக்கப்பட்டது.மாசு கட்டுப்பாடு வாரியத்தின் உத்தரவை எதிர்த்து ஸ்டெர்லைட் தொழிற்சாலை, தேசிய பசுமை தீர்ப்பாயத்தில் வழக்கு தாக்கல் செய்தது. இந்த வழக்கு கடந்த 12ம் தேதி விசாரணைக்கு வந்தது. விசாரணைக்கு பிறகு தேசிய பசுமை தீர்ப்பாயம் தனது இடைக்கால உத்தரவில், இரண்டு பேர் கொண்ட நிபுணர் குழு அமைப்பதற்கும், இந்த குழுவில் ஒரு தலைவர் மற்றும் ஒரு உறுப்பினர் இடம் பெற வேண்டும். இவர்களுக்கு உதவியாக தமிழ்நாடு மாசு கட்டுப்பாடு வாரியத்தில் இருந்து ஒருவரும், ஸ்டெர்லைட் ஆலை சார்பாக ஒருவரும் நியமிக்கப்பட வேண்டும் என்று உத்தரவிட்டது.இந்த நிபுணர் குழுவில் இடம் பெறும் பெயர்கள் நாளை வெளியிடப்படும். இந்த குழு ஆலையை ஆய்வு செய்யும்போது ஆலையை இயக்கி காட்ட வேண்டும். இந்த ஆய்வுக்கு பின் நிபுணர் குழு அறிக்கையை வரும் 29ம் தேதி தேசிய பசுமை தீர்ப்பாயத்தில் தாக்கல் செய்யும். அதன்பிறகு தீர்ப்பு வழங்கப்படும். தேசிய பசுமை தீர்ப்பாயம் அளிக்கும் தீர்ப்பை ஏற்று தமிழக அரசு உரிய நடவடிக்கை எடுக்கும் என அமைச்சர் கூறினார்.

தொடர்புடையவை

மேலும்

முதல் நபராக கருத்தை பதிவு செய்யுங்கள்!!

வாசகர் பெயர்
நகரம்
மின்னஞ்சல்
உங்கள் கருத்து
(Press Ctrl+g or click this   to toggle between English and Tamil)
  
முக்கிய குறிப்பு:தினகரன் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்களுக்கு தினகரன் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு dotcom@dinakaran.com என்ற இந்த இமெயில் முகவரிக்கு தொடர்பு கொள்ளவும்.
Advertisement

செய்திகள்

Advertisement

மகளிர்

நவரத்தினம்: ஷில்பி கபூர்விருப்பப்பட்ட படிப்பு, படித்ததற்காக ஒரு வேலை என மும்பையை சேர்ந்த ஷில்பி கபூரின் வாழ்க்கையும் மிகச் சாதாரணமாகவே ஆரம்பித்திருக்கிறது. திடீரென அவர் மனதில் ...

நவரத்தினம்: கல்யாணி கோனா‘‘குடை உங்களை மழையிலேருந்தும் வெயில்லேருந்தும் காக்கும். கல்யாணமும் கிட்டத்தட்ட அப்படித்தான். உங்களுக்குத் துணையா வர்றவர் உங்களைப் பாதுகாக்கிற குடை மாதிரி. ஒருத்தருக்கொருத்தர் பிரச்னைகள்லேருந்து ...

Advertisement

சற்று முன்

Advertisement

மருத்துவம்


Advertisement


Dinakaran Tamil daily latest breaking news, tamil news, Tamil latest news, news in tamil- dinakaran

அறிவியல்

23

மேஷம்
ரிஷபம்
மிதுனம்
கடகம்
சிம்மம்
கன்னி
துலாம்
விருச்சிகம்
தனுசு
மகரம்
கும்பம்
மீனம்
சந்திப்பு
நட்பு
மகிழ்ச்சி
தன்னம்பிக்கை
விவேகம்
ஆதாயம்
தாழ்வு
வரவு
சாதுர்யம்
உயர்வு
போராட்டம்
அன்பு
Dinakaran Tamil daily latest breaking news, tamil news, Tamil latest news, news in tamil- dinakaran