SUN குழுமத்திலிருந்து வெளிவரும் காலை நாளிதழ்

மரக்காணம் பகுதியில் சொட்டுநீர் பாசனத்தில் தர்பூசணி சாகுபடி : விவசாயிகள் ஆர்வம்

2019-01-24@ 14:15:19

மரக்காணம்: மரக்காணம் ஒன்றியத்தில் கந்தாடு, புதுப்பாக்கம், நடுக்குப்பம், வண்டிப்பாளையம், அடசல், சிறுவாடி, நகர், வட நெற்குணம், ஆலங்குப்பம் உள்ளிட்ட 50க்கும் மேற்பட்ட கிராமங்கள் உள்ளன. இப்பகுதியில் உள்ள பெரும்பாலானோர் விவசாயிகள். இவர்கள் தங்களது விளை நிலங்களில் நெல், கரும்பு, மரவள்ளி, மணிலா, வாழை போன்ற பயிர்களை நடவு செய்வது வழக்கம். இது போன்ற பயிர்களுக்கு நடவு செய்ததில் இருந்து அறுவடை காலம் வரையில் அதிகப்படியான தண்ணீர் தேவைப்படும். இதற்கு இப்பகுதியில் இருக்கும் ஏரி, குளம் போன்றவற்றில் நிரம்பி இருக்கும் நீரை விவசாயிகள் பாய்ச்சுவது வழக்கம். ஆனால் கடந்த ஆண்டு வட கிழக்கு பருவ மழை பொய்த்துவிட்டது.

இதனால் விவசாயத்திற்கு பயன்படுத்தும் அனைத்து நீர் நிலைகளும் தண்ணீர் இல்லாமல் போயுள்ளது. இதன் காரணமாக நிலத்தடி நீர் மட்டமும் வெகுவாக குறைந்து விட்டது. இதனால் இப்பகுதியில் இருக்கும் பெரும்பாலான விவசாயிகள் தங்களது நிலத்தில் பயிர் செய்யாமல் தரிசாக போட்டு விட்டனர். இந்நிலையில் தற்போது பெய்த பருவ மழையால் இப்பகுதியில் உள்ள ஏரிகள், குளங்கள் போன்ற நீர் நிலைகளில் ஓரளவு நீர் நிரம்பி உள்ளது. இந்த நீரை பயன்படுத்தி விவசாயிகள் தங்களது விளை நிலங்களில் சொட்டு நீர் பாசனம் மூலம் தர்பூசணி சாகுபடி செய்து வருகின்றனர். இந்த தர்பூசணி செடிகள் வளர்ந்து மூன்று மாதத்தில் அறுவடை செய்யப்படும் என விவசாயிகள் கூறுகின்றனர்.


மேலும் செய்திகள்

Like Us on Facebook Dinkaran Daily News
  • 26-04-2019

    26-04-2019 இன்றைய சிறப்பு படங்கள்

  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

படங்கள் வீடியோ கல்வி சினிமா ஜோ‌திட‌ம்